<body><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/platform.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d7580833115899121633\x26blogName\x3d%D9%84%D8%B3%D8%B9%D8%A9+%D8%AF%D8%A8%D9%88%D8%B1\x26publishMode\x3dPUBLISH_MODE_BLOGSPOT\x26navbarType\x3dBLACK\x26layoutType\x3dCLASSIC\x26searchRoot\x3dhttps://dabbor.blogspot.com/search\x26blogLocale\x3dar_EG\x26v\x3d2\x26homepageUrl\x3dhttp://dabbor.blogspot.com/\x26vt\x3d-6701235644995733106', where: document.getElementById("navbar-iframe-container"), id: "navbar-iframe" }); } }); </script>

لسعة دبور

 

توب علينا يارب

تعرف عليها في الحديقة و طلب منها التقاط بعض الصور فوافقت علي الفور وتمايلت في رقه و الهواء يداعب خصلات شعرها وصاحبنا منمدج في التقاط الصور وتوجه الي المعمل الخاص وقام بتحميض الصور وظل يتمعن في صاحبه الصورة

ولحسن الحظ ذهب للحلاق يجدها هناك -شوف النصيب -وكمان تطلع هي الحلاق

ومن هنا تولدت شرارة حبهم و اصطحبها للاستوديو لتمضية اوقات سعيدة هناك -مش اللي في بالك لاسمح الله - رايح ياخد ليها شوية صور وبعدين هي عاوزة تساعده فتجري علي المعمل تحضر له احدي مواد التحميض لتقع المادة علي عينها و تنقل الي المستشفي و يقرر الاطباء و لاول مرة في تاريخ الطب الحديث ان يتم نقل عين اليها ويتبرع حبيبها المصور

وتخرج هي لتمارس حياتها طبيعيه بينما يعيش هو علي ذكراها بعد ما اخدت منه عينيه وحلقت له كما حلقت له في اول القصه


انا هاخد فاصل قصير اعيط فيه من شدة تأثري بالقصه الرومانسيه البوليسية
دي كانت قصة فيديوكليب من مئات الفيديو كليب اللي كل يوم ماليه الفضائيات

قصه في منتهي السذاجه والعبط و الهطل !

وكله كوم وموضوع نقل العين ده كوم تاني ومش بعيد تلاقي الكليب اللي جاي ينقل قلب مكان قلبه اللي اتجرح


توب علينا يارب

By الدبور
On الثلاثاء، يناير ١٥، ٢٠٠٨
At ٤:١٠ م
Comments :
 

for this post

 
Blogger Unknown Says:

هههههههههههه

معلش هون عليك يعنى هى جت عليه هو .. ما كله فى الكلتش يا استاذى

ربنا يخرجنا من الدنيا دى على خير يارب


تحياتى

 
 
Blogger micheal Says:

الحمد لله علي مقاطعتي للفيديو كليب و ربنا يسامحك ع البوست المستفز ده يا أسامه
تحياتي

 
 
Blogger reri Says:

ههههههههههههه
شوفتهاوما أقولكش علي اللي حصلي
تصدق إكتشفت إنه كوميدي
المصيبه الكبيره إن مفيش علاقه بين الكلمات والتصوير
نهاااااائي
ضيف علي ده تقل دم الراجل المغني ده بشكل فظيع
توب علينا يارب

 
 
Blogger Empress appy Says:

هو يعنى الكليبات من امتى بنفهم منها حاجه عارف انا ريحت دماغى
بقيت اغمض عينى واسمع من غير ما اشوف وحتى ودانى وجعانى اليومين دول من عماد زعرور وكاريكا اللى بيقول اغنيه كلها جملتين بس وتصويرها ملهاش علاقه بالكلمتين

 
 
Blogger Memo Says:

انت لسة بتتفرج على الكليبات دي بتجيب تخلف عقلي يا اسامة
قوم بسرعه شفلك برنامج مفيد والا افتح قناه الحكومه او الرحمة او البركة او المغفرة
ههههههههههههههه
او اي قناه تلاقي عليها اعلانات لحفة و تقم تيفال

 
 
Blogger يا مراكبي Says:

أولا حمد الله بالسلامة .. نورت المدونات

مالاقيتش غير الكليب ده وتتفرج عليه؟ وألا أقولك .. هو أصلا فيه كليب عدل اليومين دول؟ مش فارقه

 
 
Blogger Desert cat Says:

فكرتنى بالحاج ساموزين
خدى عنيا ده انتى اللى ليا فى الدنيا ديا
بضم صوتى لصوتك وبدعى معاك بصوت عالى اوى
تووووووووب علينا ياااااااااااارب

 
 
Blogger الدبور Says:

انسانه
******
اهون اكتر من كده ايه بس؟!

ـــــــــــــــــــــــــــ
مايكل
*****
ربنا يسامحنا كلنا

ـــــــــــــــــــــــــــ
ريري
****
عندك حق كل حاجه في الكليب في ناحيه كلمات ولحن و اداء
ـــــــــــــــــــــــــــ
آبي
***
انت جبتي من الاخر اشتريتي دماغك وكان الله بالسر عليم
ـــــــــــــــــــــــــــ

 
 
Blogger الدبور Says:

ميمو
****
تخلف عقلي ؟! ربنا يستر !
بس حلوة قناة الحكومه دي الاقيها فين ؟
و النهارده بنقدم طقم لحاف ومخده وبسعر مغري خماشر جنيه اتصل الان
حاجه تفقع المرارة و الله

ـــــــــــــــــــــــــــــــ
يامراكبي
********
و الله بالصدفه ومش مقصوده
الله يسلمك ومنور المدونه

ـــــــــــــــــــــــــــ
Desert cat
**********
امين يارب

=================================

تحياتي لكم جميعا
الدبور

 
 
Blogger Vague Says:

في زيارة سريعة لمدونتك اكتشفت لنك رائع:

واجمد حاجة علم الدراويش

وبخصوص البوست ده :
:P انا متفرجتش عليييييييييه.. الحمد لله
وانصحك بعدم متابعة الفيديو كليبز

هتلاقيني بنطلك كتير على فكرة...
سلااااااااام

 
 
Blogger Rivendell** Says:

هئهئهئهئهئ

واااااااااااااااال

توب علينا ياااارب

 
 
Blogger raspoutine Says:

السلام عليكم يا دبور باشا
عجبنى اوى تحليلك الوافى للكليب الاهبل بتاع المطرب اللى اسمه ايه ده
وحشتنى يا مان

 
 
Blogger جسر الى الحياة Says:

هههههههههههه مفيش فايدة مش قادر تنسى انك دبور كفاية شكشكة يا اخى يعنى هيا جت على نقل العين

 
 
Blogger dina Says:

ههههههههههههههههه
المهم على كل النكد اللى فى الكليب دا انا كل ما اشوفه بينزل عليا بضحك..انا قريت القصة دى قبل كدا معرفش هى حقيقية ولا اسطورة ولا ايه بس كمان يعملوها فيديو كليب..يبقى توب علينا يا رب من الشتا و بلاويه و اللى بيجرا فيه

 
 
Blogger t3ban Says:

يا مصبر الوحش علي الجحش

 
 
Blogger كلام على بلاطة Says:

عيطت خلاص ارتحت
فيهاايه لما يقابلها فى الجنينة ثم يقابلها حلاقة فى محل الحلاق
يا اخى كل الناس بتحلق لبعض وسع صدرك
مش احسن ما يقابها على السطوع (الرووف سابقا )وبعدين الكليب ما عجبكش اقلب عليه او اقلب عنه الوسع حلو يا اخوانا ونوسع لبعض مش كفاية الحكومة والعيش والازمات مات مات مات
الكليب هنعمله قضيه.....يعنى من قلة القضايا معلهش اعذزنى .....وكله فى الموانى
ناجح يوسف فهمى

 
 
Blogger نعكشة Says:

مممم هوه انا اعرف زرع قرنية من واحد لسة ميت و دية مش في مصر
بس زرع عين
حلوة والله ماهو العين التانية استبن علي رأي الدكتور بتاعنا
اموهند

عامتاً هوه انا مشوفتش الكليب
بس بما انو كليب طبي يبقي لازم اشوفوا هاع هاع هع (إني امزح)

اعتقد ان كان فية ميزة اني ابطل سماع هذة الحاجات مع انها سبحان الله تحتوي علي معلومات طبية جديدة
يلا خيرها فيغيرها

 
 
Blogger Empress appy Says:

انت فين يا ابنى من زمان
هو انتم ليه بتختفوا ورا بعض كده

 
 
Blogger أسوور Says:

لسة بوستاتك دمها خفيف وبتضحكنى

حلوة يا دكتور

وشكرا لك على الموقع اللى سبتهولى بخصوص الحالة اللى انا كاتبة عنها عندى

بجد اشكرك لأنه افادنا كثيرا

صحيح دكتور

 
 
Blogger إيمان قنديل Says:

معلش فيلم عربي هندي بأى

 
 
Blogger daktara Says:

السلام عليكم
ازيك يا اسامة
اخبارك ايه
واحشني والله
ايه بعيد ليه عن التدوين, ولا الشغل هو السبب
انت شغال فين بعد ما خلصت الاكاديمية؟
ابقي زور مدونتي اول ما تظهر
وياريت نسمع عنك اخبار حلوة قريب
د. خالد عزب

 

Leave a Reply