ميت جنيه لكل لاعب
بما ان دي اول تدوينه ليا فقلت ابدأها بحكايه يمكن قديمه شويه بس يارب تعجبكواالمكان : استاد شركه جاسكوا للغاز الطبيعي و المواد البترولية - السويس الزمان: من كام سنه كده
كنت زمان بلعب كورة في انديه درجه تانيه وانتقل من فريق لفريق مرة بموبايل 3510 الوان و مرة بالفين جنيه النادي اخد الف و انا اخدت الف و انتهي بيا المطاف الي فريق في الاسماعيليه اسمه "المواني" تابع لهيئه قناة السويس وجه اليوم الموعود وكان عندنا ماتش في السويس مع فريق جاسكوا علي ملبعه و للعلم ملعب الشركه بين مباني الشركه و المحاطه بسور كبير
المهم مش هطول عليكوا الفريقين متعادلين لغايه الدقيقه 80 و هوب فاول علي قوس التمنتاشر
نادوا العبد لله لاني كنت باك و رجلي طرشه و رحت شايط الكورة بانتقام عدت من الحيطه وجت في رجل لعيب من جاسكو وهوب في الجون هييييييييييييييييييييييه هيييييييييييييييه وجون وجون وجون قونبله قونبله علي راي كابتن لطيف
وشويه وسنتر فريق جاسكوا و كلنا نمنا قدام الجون حفاظا علي الهدف الثمين
المهم المدرب بتاعنا اسمه " كابتن هنكر" مش تستغربوا اسمه كده و الاسم ده ليه قصه هبقي احكيها لكو بعدين الكابتن هنكر و اقف علي الخط تقولش الجوهري وعمال يقول خطب حماسيه من نوعيه هانت يارجاله شتت شوط نام في الارض و في عز حماسه و راح قايل بصوت عالي " 100 جنيه لكل لاعب " قال ايه علشان يحمسنا لغايه كده كويس اللي مش كويس بقي اهو
كان في راجل قاعد برة جنب الكابتن هنكر سمعه بيقول كده راح قايله " ياراجل روح هاتلهم فلنات وشورتات بدل الهلاليل اللي هما لابسناها زي الشحاتين " كابتن هنكر سمع الكلام ده والدم غلي في عروقه و أخدته الجلالة و راح شايل كف ايده رافعها و ساكع الراجل قلم علي وشه طررررراااااااخ وقاله " انت راجل قليل الأدب" الناس اتلمت ودقيقتين وراح الحكم مصفر معلنا انتهاء الماتش و فوزنا بهدف يتيم للعبد لله لعب الحظ و الصدفه دور كبير فيه . طبعا كان فيه 2 ظباط و كام عسكري وأمين شرطه تأمين للمباراه فجأة لقيتهم اختفوا و اختفي الحكم و المساعدين و بقينا في الملعب لوحدنا طبعا ده فال مش كويس خالص
و شويه لقينا كام واحد من عمال الشركه لابسين العفريته الزرقا بتاعت الشغل ماسكين عصاين وجايين علينا كانوا حوالي 30 واحد وفين يوجعك يا معلم واديلوا واحنا كنا بنجري زي الفراخ في الملعب منهم وانا كنت بجري لغايه ماوصلت رايه الكورنر رحت ساحب رايه الكورنر الخشب ومناول بيها الراجل اللي كان بيجري ورايا راحت دماغه مفتوحه وجريت زي الصاروخ بعيد عنه وانت وفي النهاية عدت وربنا سلم بكام كدمة وسحجات علي الماشي كده في كل جسمي تقريبا ماعدا وشي - الحمد لله - وبسببها غبت عن الكليه 4 ايام
وبصراحه ربنا العمال كان عندهم ذمه وضمير وهما بيضربوا تقولش امن مركزي وانطلقوا في تنفيذ مهمهات الضرب علشان خاطر ينولوا رضا البيه
اه نسيت أقولكوا ان الراجل اللي ضربه كابتن هنكر بالقلم هو البيه مدير الشركه
وكل اللي حصلنا بسبب كابتن هنكر و ايده المبروكه
المهم المدرب بتاعنا اسمه " كابتن هنكر" مش تستغربوا اسمه كده و الاسم ده ليه قصه هبقي احكيها لكو بعدين الكابتن هنكر و اقف علي الخط تقولش الجوهري وعمال يقول خطب حماسيه من نوعيه هانت يارجاله شتت شوط نام في الارض و في عز حماسه و راح قايل بصوت عالي " 100 جنيه لكل لاعب " قال ايه علشان يحمسنا لغايه كده كويس اللي مش كويس بقي اهو
كان في راجل قاعد برة جنب الكابتن هنكر سمعه بيقول كده راح قايله " ياراجل روح هاتلهم فلنات وشورتات بدل الهلاليل اللي هما لابسناها زي الشحاتين " كابتن هنكر سمع الكلام ده والدم غلي في عروقه و أخدته الجلالة و راح شايل كف ايده رافعها و ساكع الراجل قلم علي وشه طررررراااااااخ وقاله " انت راجل قليل الأدب" الناس اتلمت ودقيقتين وراح الحكم مصفر معلنا انتهاء الماتش و فوزنا بهدف يتيم للعبد لله لعب الحظ و الصدفه دور كبير فيه . طبعا كان فيه 2 ظباط و كام عسكري وأمين شرطه تأمين للمباراه فجأة لقيتهم اختفوا و اختفي الحكم و المساعدين و بقينا في الملعب لوحدنا طبعا ده فال مش كويس خالص
و شويه لقينا كام واحد من عمال الشركه لابسين العفريته الزرقا بتاعت الشغل ماسكين عصاين وجايين علينا كانوا حوالي 30 واحد وفين يوجعك يا معلم واديلوا واحنا كنا بنجري زي الفراخ في الملعب منهم وانا كنت بجري لغايه ماوصلت رايه الكورنر رحت ساحب رايه الكورنر الخشب ومناول بيها الراجل اللي كان بيجري ورايا راحت دماغه مفتوحه وجريت زي الصاروخ بعيد عنه وانت وفي النهاية عدت وربنا سلم بكام كدمة وسحجات علي الماشي كده في كل جسمي تقريبا ماعدا وشي - الحمد لله - وبسببها غبت عن الكليه 4 ايام
وبصراحه ربنا العمال كان عندهم ذمه وضمير وهما بيضربوا تقولش امن مركزي وانطلقوا في تنفيذ مهمهات الضرب علشان خاطر ينولوا رضا البيه
اه نسيت أقولكوا ان الراجل اللي ضربه كابتن هنكر بالقلم هو البيه مدير الشركه
وكل اللي حصلنا بسبب كابتن هنكر و ايده المبروكه
انا قولت اعدي اقص الشريط بس
:)
تصميم جميل ياعم الدبور مبذول فيه كام لسعه حلوين
نيجي للبوست بقي المهم في الاخر خدت المائه جنيه و لا الكابتن الالم نساه كل حاجه
:))))
تحياتي
مبروك على البلوج
واهلا بيك مع المدونين بس ايه التصميم الرائع ده انت شغال مصمم و لا ايه
على العموم انا جيت بالصدفه و البلوج جمييييييييييل
تحياتي
الف مبروك علي البلوج
التصميم ما شاء الله جميل
واهلا بيك في تدوينستان
بس دانت لعيب كبير اهه
وجون فاول كمان
لييييييييييييه
ابو تريكة
تحياتي
حكاية ظريفة جدا
ضحكتنى بجد
والف مبروك المدونة ياعم
وأنا مستنية البوست الجاى عشان أعرف ليه سمتوه كابتن هنكر
مبرووك على البلوج وعلى البوست ابو دم خفيف
وسلام كبير اوى للمعلم هنكر وشركاه
عبد الله
شكرا علي التشريف ومبروك ان انت تكون اول واحد تقص الشريط
وياريت تسرفنا بوجودك علي طول
ـــــــــــــــــــــــــــــــــــ
MEMO
انا لامصمم و لا حاجه ده انا علي قد حالي
وياسلام علي الصدفه اللي جابتك عندي وزي ماقالوا يا محاسن الصدف و محاسن الحلو
وابقي تعالي تاني صدفه برضو
ـــــــــــــــــــــــــــــــــــ
AMR AHMED
و لا ابوتريكه و لا حاجه ياابو حميد انا شوطتها ارضيه بس سريعه و في وسط الزحمه عدت و خبطت في واحد من الفريق و دخلت جون
ـــــــــــــــــــــــــــــــــــ
ياسمين
بس كده من عنيا التدوينه اللي جاي فيها سبب التسميه وكام موقف للكابتن الكبير هنكر
ـــــــــــــــــــــــــــــــــــ
بنوتة من وسط البلد
هنكر راح خلاص و راحت ايامه منه لله كان زماني بلعب في الاهلي و الا الزمالك ده دمرني كرويا
دبوووووووووور .. :
هههههههههه .. يخرب عقلك ايه ده يا ابنى
انا بصراحة شدنى اسمك فى الاول دبوووور .. جامد والله ... لا ولما دخلت وشفت البلوج والتصميم ماشاء الله حلو اوى .. اصل انا بحب الالوان الفاتحة زي اللى انت عاملها دى ازرق واصفر .. بحس بتفاؤل كده .. لأ وكمان لاعب معتزل واضربت فى ماتش كمان وانت مدخل جون .. هههههههههه
طب المهم الكابتن هانكر ده اداكوا الــ100 جنيه ولا فلسعكو .. شكلوا كده فلسعكوا وحتى لو كنتوا خدتوهم كنتوا هتصرفوهم على الدوا .. هههههههههه
مدونتك جميلة استمر فى التدوين واهلا بيك معانا ....
تحياتشي .... :]
العزيز دبور باشا
حلوه المقدمه دي؟
انا اسعدتني زيارتك لمدونتي و ردك و تعليقك فيها رد وتعليق دبابير فعلا
علي راي احد المعلقين فعلا دبور
تصميم المدونه جيد جدا بل ممتاز
هروبك امام احد العمال بيفكرني بالمدرسين لما بيراقبوا في الامتحانات في بلاد بعيده و احيانا لما بيشددوا اللجان بيجري وراءهم طلبه و احيانا اباء تلاميذ
احد زملائي حكي لي هذا فعلا
الموقف مضحك جدا ووصفك لهم كانهم قوات امن مضحك جدا
لك خالص التهاني و التحيات
و مبروك علي المدونه
علي فكره الاسم جذاب جدا
خدت ال100 جنيه و لا أيه النظام ؟
انا برد هنا عشان حاجتبين
اقوللك اهلا بيك في المجتمع الجميل ده
ثانيا عشان اقوللك ان ده احسن ديزاين شفته لمدونة لحد دلوقتي
وممكن حلاوته انه اول ديزاين بالفلاش يدخل البلوج سبوت
او انا اشوفه في البلوج سبوت
يللا يا هنكر :D
البوست حلوه طبعا
وهنكر عجبني
اما نشوف ليه هنكر بقى هنكر
سلام يا دبور
عبدالرحمن
دبور بيه
انت كام نجمة؟؟
هههههههههههههه
المهم
اتوقع ان البوست الجاي يكون فيه ردك على التاج
ايوة
اسمك نزل في الطبعة التانية و لازم دلوقتي ترد على الاسئلة دي نفر نفر
بس صحيح انت مواليد سنة كام
مش معقوله 1924 ولا حتى 1942
يعني نقي لك حاجة من اول السيتينات على الاقل
ماشي؟؟
سيلامو عليكوا
أى لسعتنى
الف مبروك دخولك العالم الرقمى الهالمى وواضح انك دخلت برجلك اليمين
بالتوفيق
Islamz
-------
اصل الفكرة يا اسلام مش في الالون الفاتحه انا عاوز اقولك انا بشجع الدروايش فعلشان كده اللون ده كان مناسب
واهلا بيك ياباشا في المدونه و ابقي عدي ومتنساناش
ـــــــــــــــــــــــــــــــــــ
ذو النون المصري
---------------
ربنا يخيليك يا استاذنا الكبير
الاسم كان بالصدفه
مش اكتر وغير مترتب ليه
واحد من العمال كان بيشاور عليا ويقول" اضربوا ابن الكلب اللي ده اللي جاب الجون"
الحمد لله ربنا ستر منك لله يا كابتن هنكر
ـــــــــــــــــــــــــــــــــــ
karakib
---------
تابع البوست اللي جاي يا هاني و انت تعرف
واهلا بيك في مدونتي
ـــــــــــــــــــــــــــــــــــ
AbdElRaHmaN AyYaSh
--------------------
نورتني ياعبود في مدونتي المتواضعه و تابع البوست اللي جاي علشان تعرف ليه هنكر بقي هنكر
و الاصل في التصميم البساطه
ـــــــــــــــــــــــــــــــــــ
حفصوتشا ام مصطفيتش
--------------------
بس كده انت تامري انا بس هخليه البوست اللي بعد اللي جاي علشان الناس عاوز تعرف قصه هنكر
وتشكري علي التاج
و للعلم انا مش كبير اوي كده انا مواليد اوائل التمانينات
مع بدايه الحكم المجيد الجديد للمحروسه
ــــــــــــــــــــــــــــــــــ
محمد عبد الغفار
--------------
احنا زارنا النبي يا ابو حميد
و مش تنسي تسلم علي اخوك علي الفيديو الجميل اللي هو اهداك ليه
بيني و بينك انا بشجع الدروايش
وشرفت مدونتي
ــــــــــــــــــــــــــــــــــ
وتحياتي لكم جميعا
مبروك المدونة يا باشا ويجعلها قدم الخير والسرور
حلوة بجد .. ياتري تمليك ولا قانون جديد؟
خسارة مكملتش كورة ليه؟ ايه اللي خلاك تفشل وتكمل علامك .. كان زمان الملايين بتتحدف عليك
خالص تحياتي
هههههههههههههههههههههه
ايه اللي انت عملتوا دة
حد يعمل كدة برضه
بس عادي والله بتحصل
وبعدين انت مواليد اوئل التمانينات طب تعالي شرف جنبي بقي
وبعدين تعالي هنا اقولك اعزمني انا اول واحدة اقوم الاقي نفسي ال 14
المفروض مش كنت تعملها الا لما اقولك انا داخلة عندك
ماشي يا اسامة خليك فاكرها
بس بجد مرحب بيك في العالم بتاعنا
ومبسوطة انك دخلتوا
انت بقيت خلاص من العيلة
عاااااااااااااااا
دة انا بقيت ال 15 كمان
لن انسي لك هذا الموقف
فعلا
التصميم لفت انتباهي بشدة
برافو عليك
ايه الدلع ده كله
مبوووك ع البلوج
ومبروك كمان ع الجون اللي مالحقتش تتهنا بيه.. وعقبال ما نشوفك هداف ف فريق الدراويش اللي بتحبه
ولاّ الإنتماء ها يربطك مع كابتن هنكر؟؟؟
:
:
v
ما تتأخرش علينا عشان عاوزة أعرف حكاية ((هانكر))
تحياتي
ههههه...و اللة حكاية جامدة بس مستنيين نعرف الاخ هنكر دة حيعمل اية بعد كدة..تحياتي علي شكل البلوج التحفة يا دبور و أنا بكلمك من مدونتي التانية و دة غير الليب أنت شرفتني فيها بالزيارة
اولا
مبورك على المدونة
ثانيا
لما انت جيبت جون وحصلك كدة
طب كبتن عنتر قصدى كابنت هنكر (اللى كان عمل فيها عنتر) حصله ايه؟
انا كنت عايز اعرف انت عامل ازاى عدد الزور دى
هي ليها برنامج ولا ايه النظام ؟؟؟؟؟؟
اتمنى ان يعجبك عالمنا عالم المدونين
والسلام.........
الف الف الف مبروك ياباشا على المدونة دي
بجد تحفة
تصميم جميل جدا جدا
وسكربت الصور دي روعة
بجد جامد جدا
وذوقك في الالوان هايل والله
بالنسبة للميت جنيه فداك ياباشا مليار جنيه
بس شكلك اخدتها ومخبي عشان الحسد بس
ههههههههههه
بالنسبة للاخ ايجل اللي سأل على عداد الزوار
ياريت تسمحلي ارد عليه بالنيابة عندك
انا عامل بلوج خفيف كده لسه بادئ فيه في بوست فيه الاساسيات دي
يارب تستفيد منه
http://be-prof.blogspot.com/
قاسم افندي
----------
ياباشا المدونه منورة بوجودك
و بعدين المدونه دي لا تمليك و لا ايجار دي شحته من بلوجر دوت كوم
ويا ريتني كنت كملت كورة كان هيبقي احسن من اللي انا فيه بس بيني و بينك انا لاعيب كسر اخر تانيه او ممتاز "ب" اوعي تفهمني غلط
ـــــــــــــــــــــــــــــــــــ
سمراء النيل
-----------
اه يا كسوفي منك انا قلت ليكي ان انت هتكوني اول واحده تفتحي المدونه بس عبدالله الراجل عدي و قص الشريط منوراني و الله يا سمرا في البتاعه دي
و ابقي خليني نشوفك و بعدين العمليه مش بالارقام انت الاولي حتي لو كنت رقم 1000
ـــــــــــــــــــــــــــــــــــ
أكتب بالرصاص
------------
اهو كله بيدلع نفسه ياباشا
شكرا للزيارة
ـــــــــــــــــــــــــــــــــــ
Hannoda
---------
الله يبارك فيكي
و بالمرة الله يحرقك ياهنكر دمرني كرويا
___________________________________
micheal mohsen
--------------
ايوة يا سيدي عندك مدونتين
مش تخاف انا مش بحسدك انا بنق بس
ـــــــــــــــــــــــــــــــــــ
the eagles
----------
في الحقيقه يا عم نسر هنكر اللي نابه في الماتش ده مانبش حمار في مطلع
اما بالنسبه لموضوع عداد الزوار ادخل علي الموقع ده
www.thefreewebcounter.com
واخيرا اقولك
"اذا كنت عصفور ..... ف اني نسرررررررر"
منور ياباشا
ـــــــــــــــــــــــــــــــــــ
واحد من الناس
-------------
تسلم يا غالي علي الكلام الجامد ده
اما بالنسبه للميت جنه فانا اخدت بيهم علقه و الباقي كام قفا و شلوت في اللذيذ تفاريح يعني
ـــــــــــــــــــــــــــــــــــ
كان معكم الدبور من احدي السيبرات
تحياتي لكم جميعا
دبووووور
البلوج جميل ماشاء الله
واضح انك تعبت في التصميم
بس الالوان جميلة والعناصر فعلا رائعه
مـــبــــــروكــــــ ياسيدي
بس اكتب شوية بقى مش معقول عندك شقة حلوة وواسعه ودهانها وديكوراتها جميلة و تفتح النفس وسايب كل دة وقاعد في اوضة واحدة
وباينها البلاكونة كمان :)
اكتبلنا بقى شوية بوستات حلوة كدة زي مدونتك
وشكرا يا دبور على اضافة لينك لمدونتي
الا قوللي انتي "دبور قرص" وللا "دبور بنات" هههه
تحياتي
ماشاء الله بلوج شيك جدا وتصميم رائع
بينى وبينك ماليش فى الكورة خالص فى انتظار البوست جديد
تحياتى
اولا اهنيك على دخولك فى عالم المدونين
ثانيا اهنيك على التصميم الظريف اللى حسسنى انى بقرا مجلة بجد برفو عليك
ثالثا وده الاهم اتمنى انك تكون اخدت المية جنية بعد الضرب ده كله
خاااااااااااااالص تحياتى
ههههههههههههههههه
بقا اخرة الجون يستفرصوا بيكوا كدة
ههههههههههههه
معلش علقة تفوت ولا حد يموت
مدونتك جميلة والتصميمات حلوة اوى
غير إن الاسم يشد الانتباه جدا
منتظرين المزيد
سلام
الحصان الاسود
-----------
ربنا يخليك ياباشا علي الكلام الحلو ده
بس حاليا انا اعاني من افلاس فكري مش عارف اكتب اي حاجه بس ربنا يسهل
ومنور المدونه
واللقاء الشهري اخبارةايه هومات اكلينيكيا و لا ايه
ـــــــــــــــــــــــــــــــــــ
shiko
------
يا اهلا و يا مراحب المصممه الكبيرة في المدونه و علي طول شرفينا
ـــــــــــــــــــــــــــــــــــ
Moog Alb7ar
-----------
انت قلبك ابيض من البفته البيضا قلبك قلب خسايه
ميت جنيه اللي انا اخدتها انا اتوضبت بيها في الملعبو الباقي اخدته شلاليت و وتشكيله ممتازة من الكفوف
الا قولي ليا انت مش عندك مدونه ليه
ــــــــــــــــــــــــــــــــــ
إنسانه
--------
مشرفانا ويا مرحبا يا مرحبا نورك غطي علي الكهربا
اهلا بيكي في مدونتي المتواضعه
===================================
تحياتي لكم جميعا
الدبور
اول ما قرات اسم الدبور قلت تبقى بتاع ستات
و لما قرات البوست لقيتك لاعب معتزل
و بعد الانتهاء من البوست قلت
و دي كانت نهاية فرقة دبور المسرحية
علشان تتعلم متجبش اجوان تاني
الا قولي اخدت الميت جنيه و لا بمبة؟
التصميم حلو تسلم ايديك
ابقى تعالى شوف عملت ايه في جوزي على صفحات طهقان و طهقانة
انت بتنسى بسرعة يا دبور
ده انت داخل بنفسك ومعلقللى
انا مدونتى بحبك يااسكندرية
بس عادى بتحصل برده
ههههههه
تصميم جميييل يا فندم
ومبرووك كتيير
ربنا يجعلها "قدم السعد عليك" زى ما بيقولوا
بس عندى تعليق ممكن تكبر البونت شوية أو توسع المسافات بين الاسطر عشان اللي بيقرا ما يتعبش
ومبروووك يا فندم
bastokka
----------
شوفتي بقي ظلمتيني و انا طلعت لابتاع ستات و لا غيرة
انت طيبه اوي 100 جنيه ايه مين جاب سيرتها
شرفتي البلوء
ـــــــــــــــــــــــــــــــــــ
موج البحر
---------
غريبه انا لما بضغط علي اسمك بيجيب ليا البروفيل بتاعك بس مش موجود فيه لينك المدونه وممكن انت تجري بنفسكياريت تبعتي ليا اللينك
ـــــــــــــــــــــــــــــــــــ
mesh2dra
---------
س كده انت طلابتك اوامر
===================================
تحياتي لكم جميعا
الدبور