من غير عنوان
بما إني غير قادر علي كتابه تدوينه طويله لانني ببساطه اعاني من حاله من الافلاس الفكري الحاد فالتدوينه دي غير مترابطه الافكار تماما واحسن لك مش تقراها لانها غير مفيده علي الاطلاق
هنكر ليه ؟
سبب الاسم ده بايخ جدا وقصه سمجه لابعد الحدود !!
طبعا لان الكابتن الكبير هنكر كان دائم اطلاق التصريح الخنفشاري المعروف بيه " 100 جنيه لكل لاعب" وفي مرة واحد من زمايلي في الفريق بيقوله فين ياكابتن الـ 100 جنيه اللي قلت عليها رد عليه كابتن هنكر و ببساطه " انت صدقت يا عبيط انا كنت بهنكر عليكو علشان احمسكوا في الملعب" ومن يومها ارتبط اسمه بالكلمه دي و انتشر الاسم في كل النادي ليحمل اللقب الجديد كابتن هنكر
بايخه مش كده ؟
ابو كف رقيق وصغير
وانا في الشغل اثنين من العمال ضربوا بعض و واحد منهم راح عامل محضر في القسم و كتب اسمي شاهد!!! يادي النيله انا مش بحب القلق ده كلمة الشرطه بتعملي حساسيه ماعلينا رحت و قابلت المأمور و لقيته موقف الاتنين المتهمين قدامه و بيسأل واحد منهم فرد بصوت عالي شوية و كان فيه مخبر واقف اسمه بكار - اسم الشهرة بتاعه كده - كان وزنه حوالي 120 كيلو علي الأقل وكان كفه في حجم فرده الجزمه مقاس 47 وفي لمح البصر سمعت صوت بيطرقع تقولش قنبله انفجرت في الاوضه و الواد قاعد في الارض بيعيط وبيقولي "معلش ياباشا انا اسف" انا كان قلبي في رجليه لابو كف رقيق و صغير يمسي عليا انا كمان وينوبني من الحب جانب بس الحمد لله ربنا ستر وعدت سلم.
أم العيال
كنا في الغردقه في رحله و رحنا احد الشواطئ و علي الشط كان المنظر مش و لابد...ستات زلط ملط يادوب قطع صغيرة من القماش تكاد تستر عوراتهم!! استغفر الله و اعوذ بالله من الشيطان الرجيم كان معايا ساعتها واحد صاحبي هو متجوز و مستشيخ شويه فسألته هو احنا لو بصينا مش حرام ؟فقالي و اقنعني بصراحه ان النظر مش حرام ، لان صنف الستات الزلط الملط من غير العرب،و التمتع بهم ليس حراما لأن الله خلقهم للاستمتاع ..صحيح.. رحمه ربنا و اسعه وفضله علي العباد ليس له حدود وصنعه ربنا في الستات دليل علي عظمته!!!انطلق الشيخ و الحق يقال وانا كمان ننظر مادام الشيخ افتانا بانه حلالوسكت الشيخ مرة واحده و لم يتكلم ساعتها احسست ان لسان حاله يقول " الله يرحمها ام العيال - علي اساس ان الرحمه للحي و للميت- كانت مثل سيد قشطه اذا مشيت واذا جلست كأنها قبه سيدي الشيخ عطوة و اذا نامت كأنها جثة مضي علي طلوع روحها 10 ايام و انهي سكوته الطويل بجمله " يلا ياعم ننزل البحر هو احنا هنقضيها فرجه و لا ايه "
ساعات الواحد بيعوز يتكلم من غير هدف بس مش دايما بيكون الكلام مش مفيد... لإن ده حاجة نسبية
عموما كويس ان ربنا عداها على خير مع أبو كف رقيق
أما عن الشيخ فأنا مستغربة جدا من تحليله للنظر للستات الأجانب
بس لكلٍ وجهة نظره ..
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
انا عجبني اوي سيدنا الشيخ دة
وانت يا عيني بمنهي البراءة بتساله حرام ولا لا
ههههههههههههههههههه
دة انت اخدت ذنوب تكفيك الشهر الجاي
وبعدين حلو موضوع اسم هنكر بس المهم بقي هل هو تقبلوا عادي يعني
وكوس انك مش رحت القسم كان زمانك بتحلف بالعصايا دلوقتي
ههههههههههههههه
ايوة كدة اكتب الجديد
ومش يهمك ان كان بايخ ولا لا
انت بتكتب لنفسك
يا لهوووووووووووووووي
حتي هنا عندك افلاس فكري يا اسامة
يا ابني بطل تنكر نعمة ربنا عليك بقي
مش حلو كدة
واما بنعمر ربك فحدث
بقولك ايه تعالي انا وانت نشحت علي باب السيدة
هنكسب كتير صدقني
هو حضرتك مكنتش تعرف ان الكلام ده موجود فى الغردقة ولا ايه يا باشا
أنا دايما أسمع أن الغردقة النظام ماشس فيها سلط ملط بس دة لا يعني أن النظر ليهم حلال من وجهة نظري لان لازم يكون فية عفة و نغض بصرنا
يا عم دبور
بقى ده كلام سلومه الاقرع ميعرفش ابوه احمد ربناانك خرجت منها على رجليك
ثم بلاش بصبصه للستات سواء كانوا اجانب ولا صنف محلى ومتسمعش فتوى من حد غير من "مفتى الحكومه المصريه"اقصدى "مفتى الديار المصريه"
كناهنروح فى داهيه لكن ربنا ستر
هرتله سريعه في الجون يا دبور
بس موضوع الغردقه بقي ده الي مسخره علي الاخر حلو قوي الكلام العبيط الي صاحبك قاله ده و انت صدقته علي طول :)
الا قولي طلق مراته بعد ما رجع م لا لسه
:)
بس بجد الغردقه الموضوع صعب قوي هناك انا فاكر لما رحت اسبوع في الغردقه كانت كارثه ليه بقي اول يوم هربت من البيسن و طلعت علي الشط مباشر برضه حريم و الناس بتقلع علشان تلبس هدوم الغطس و الافلام دي الحل الي اكتشفته كان رائع اروح البحر بعد الفجر و امشي اول ما الناس تبدا و اروح قبل المغرب بساعه و باقي اليوم نايم المشكله كانت باليل بقي مفيش حاجه تتسلي فيها غير الباند الي شغال و طبعا لازم رقاصه يبقي تنام برضه
:)
وده اكتشاف ان الغردقه انسب مكان تغمض عينك وتحلم فيه علشان لو فتحتها مش هتعرف تغمض عنيك روتانا غردقه
:)
تحياتي
أخيرا عرفت سبب تسمية كابتن هنكر بهذا الإسم
بس ما عرفناش ليه ابو كف رقيق وصغير ليه ضرب الراجل .. هو عمل ايه؟؟
طبعا يا سيدنا الشيخ .. دول مباح النظر اليهم والتمتع بهم لأنهم من جوارى العصر
يا سلام على نظرة الرجل للمراة مهما كان متدينا او حتى مثقف .. متاع وبس
نفسى كنت اشوف شكل الشيخ بتاعك دة بعد ما وصفت الست مراته .. هو هيتجوز واحدة زى دى ليه لو هو عليه القيمة من اصله؟؟
البوست جميل وضحكنى
ما تحرمنيش من زيارتك يا بطل
والله دمك خفيف واحسن يكون البوست مفيهوش كلام كتير علشان الناس تعرف تقرا ومتزهقش
الافكار دى كلها وتقول عندك افلاس ياراجل حرام عليك
بوست اكثر من رائع ومش بجامل دة حقيقة
تحياتى
بصراحه مشقادراحوش نفسي م الضحك
الشيخ دا امسك فيه باديك وسنانك
ياريت كل الخواء الفكري بالشكل ده .. بس اجمد حاجة كانت سيدنا الشيخ وام العيال .. وربنا يبعد عنك ابو كف رقيق وصغير
Hannoda
---------
عندك حق فعلا الواحد ساعات بيكون عاوز يتكلم لانه عاوز يتكلم مش اكتر من كده اما بالنسبه للشيخ فهو اكيد طبعا كان بيهرتل
وخليكي فريش احنا في رحله
ـــــــــــــــــــــــــــــــــــــــــــــــــــــ
smraa alnil
-----------
شوفتي بقي ان انا برئ خالص قلبي قلب خسايه
من ناحيه الذنوب انا عندي رصيد اصل انا شاحن قريب بكارت من ابو 1000
هنكر لغايه ماسبت النادي وهو مش عارف بس اكيد عرف بعدها
عصايه ايه يا انوج اللي بتتكلمي عليها مش تفهميني
Mohamed A. Ghaffar
--------------------
بصراحة كنت عارف بس بستعبط شويه
ـــــــــــــــــــــــــــــــــــ
micheal
--------
عندك حق لازم نغض البصر بس تقول ايه الشيطان صايع !
ـــــــــــــــــــــــــــــــــــ
Shiko
-------
هي مش بصبصة يا شيكو
شويع تفاريح مش اكتر
وربنا يستر
عبد الله
------
يا عبدو يا خويا زي ماقالوا ارميها علي عالم تعيش سالم
و انا قلت ارميها علي عم الشيخ واللي توسمت فيه صفة العوالم - اقصد العلماء - و الراجل قدح زناد فكرة و افتي ان الفرجه حلال وبالنسبه لموضوع مراته اعتقد انه اصابه الاشمئزاز بعدها لمده كام يوم و لكن ماذا تفعل وانت جائع تاكل من اللي موجود.
ـــــــــــــــــــــــــــــــــــ
ياسمين
------
عم ابو كف رقيق وصغير ضرب الراجل لانه رد بصوت عالي علي البيه المأمور وانا قلتها في البوست بس انت اللي بتقري و انت سرحانه
بصراحه فتوي الشيخ كان في وقت مظبوط وبعدين ده شيخ مودرن شيخ ديجيتال
ـــــــــــــــــــــــــــــــــــ
MAKSOFA
---------
ربنا يخليكي بس بالنسبه للبوست احسن حاجه اعتقد انه تجزئيه لاجزاء و عنوانين علشان اللي بيقري مش يزهق
نورة المدونه في اول زيارة يا مكسوفه
tamer
------
ربنا يكرمك يا باشا علي الكلام الحلو ده تصدق ان الواحد لما يكون مش لاقي حاجه يكتبها و يكتب اي كلام بيبقي هو ده افضل ماكتبه احسن من اللي متحضر ومترتب
شرفت المدونه ياتامر
ـــــــــــــــــــــــــــــــــــ
ادم المصري
-----------
فعلا ده شيخ لقطه مش ممكن تلاقيه تاني
ويامراحب
ـــــــــــــــــــــــــــــــــــ
LAMIA MAHMOUD
-------------
مانت عارفه بقي ان الواحد عاوز بس دفعه صغيرة و الشيخ مش اداني الدفعه ده زقني باقصي قوة
يلا بقي ربنا يسامحني و يسامحه مطرح ماراح
ابقي تعالي انت مش بتيجي ليه
===================================
وتحياتي لكم جميعا
الدبور
ايه التهريج ده !!!! فين يا عم انت الرد على التاجين اللى دبستك فيهم
لالالالا كده مش حلو
فينك بقى من يوميها؟؟؟
كل شوية آجيي و أقول لما أشوف الدبور بيقول ايه انهاردة..
بتشوقنا؟؟؟ :))
ماشي .. احنا في الانتظار
ههههههههههههههههه
ايه الحلاوة دي
بس صاحبك الشيخ ده مية مية بصراحة ربنا
ادي الشيوخ ولا بلاش
النظر للبنات بتوع الشط حلااااااال
كما قال البحبحاني
اومال ايه يا راجل
لا بس تحليل دقيق برضه
اومال لو رحت مارينا ولا شرم الشيخ هتعمل ايه
انا عن نفسي اخري جمصة
ربنا يوعدنا يااااارب
انا مش داخل عشان التدوينة اللى مفهمتش منها حاجة لكن عشان الديزاين .. ما شاء الله ديزاين في منتهى الجمال
قررت انا كلبوزة لكن سمباتيك من موقعي هذا ان امنحك اسما جديدا
هو
الاستاذ
بحلق
----
كويس انك قلتلي علشان ماخدش جوزي الغردقة
باشا
جيت اصبح واقول نهارك نحل
وصبحك فراشات
وحياتك موج بحر
فهمت حاجة
بلاش انت
تررررجم يا مسعووووووود
ممكن يكون فهمي تقيل لكن أنا مافهمتش قصة هنكر ليه
قصة الخناقة تقطع القلب ، يعني لازم الواحد علشان ياخد حقه يتضرب؟ سواء غلطان أو مش غلطان، مدام ملوش ضهر بيتضرب على بطنه
موضوع الغردقة بقى بينم عن جهل فظيع ، أكتر حاجة بكرهها الناس اللي بتاخد الدين مظهر وتفضل أخلاقها أسوأ ما يكون
التصميم تحفة يا دبور
مسخرة
ربنا معاك انت و كابتن هنكر
علي فكرة عندنا كتير في شركتي من عينه الشيخ
واحدة منهم قدمت في مذكرة ان بقولها كده قلت ادب سألتني يعني انا قلقلة الادب قلت لها اه
عملت في مذكرة اني قلت انها قليلة الادب... قلت لمديري انا مقلتش هي سألت انا قلت اه
هي بتسأل انا جاوبت
المهم يمين شمال عملت مذكرة بشهود و ده فعلا كان حصل انها دائمة التعامل معايا بطريقة غير لائقة
جينا في التحقيق انكرت طبعا ان شتمتها و انا كده مكدبتش ده هي سألتني يا ناس و انا جاوبت
المهم هي الي كانت ها تتأذي فعملت تصالح والله عشان هي ماتتأذيش انا مش هيجرالي حاجة
المهم
تخيل بعد مرور اكتر من 6 شهور
و انا تركت لها المكان و هي اتنقلت مكان تاني خالص
عايزة تشبط في بأي طريقة
و بتأواء قدامي لمديرتي اني كدبت عشان أذيها
تخيل هي الي قدمت في مذكرة
و انا الي عايزة أذيها
شفت الهنا الي انا فيه
مردتش و كبرت دماغي
المهم دي بقي مقولكش قال الله قال الرسول و صلاة و صوم و افلامانات
تعالي ناقشها في الدين
هتفتيلك احلي فتاوي ملهاش اي علاقة بالدين
ربنا يرحمنا برحمته بقييييييييييي
ممكن اسألك سؤال00
انت جايب ال
tamplate
بتاعتك منين00
شكلها حلو اوي0000
الاقي حلوين كده فين؟؟؟؟؟؟؟؟؟؟؟؟
البلوج هايل ودمه خفيف جدا
وبالذات موضوع (المرحومه)ام العيال
وابقى اكتبلنا عنوان الشيخ ده
عشان محتاجينو يظبطنا في فتوه كده
اخوك مزنوق فيها
ههههههههههههه
الاسبيس فعلا الثيمس بتاعته هايله
ربنا يكرمك ويوفقك
:)
عجبتنى قوى حكاية بكار دى
بس مش يمكن يكون كفه رقيق و صغير بالنسبة لإخواته مثلا
و عن موضوع الغردقة
فى ناس كتير بتبقى رايحة مش عشان تصيف بس عشان تتفرج
حاكم ان الحياة اللى فى جمهورية البحر الأحمر تختلف 180 درجة عن الحياة فى جمهورية مصر العربية
اما بقى حكاية كابتن هنكر
فده فى منه كتير
بس ربنا هيرزقه فى مرة بواحد ابن حلال كده
هيهنكر عليه فى حكاية تطلع من نافوخه
و ساعتها هيعرف ان الهنكرة هواية مش لطيفة
حلوة اللقطات اللى جبتهالنا دى
و ياريت ماتبطلش كتابة
يلا سلام