تاج من حفصوتشا
وصلني تاج من حفصوتشا منذ فترة مش طويله اوي و انا كنت وعدتها ان انا هجاوبه بعد البوست اللي فات و دلوقتي لازم اوفي بالوعد وندخل علي الشغل الكبير
اية اللي حيحصل لايميلك لما تموت ؟
مش عارف حاليا بس اعتقد انه هيتقفل من الشركه سواء ياهو او هوت ميل
اديت الباس وورد لحد قبل كده؟
لا طبعا
اسمك؟
اسامه
اسم الدلع المشهور في وسط اصحابك؟
أس أو سمسم
عمرك؟
ليه بقي كده ! 25 سنه وكام شهر
برجك؟
ولو اني مش بحب موضوع الابراج ده بحس انه خزعبلات بس يلا انا العذراء
مجالك او مجال دراستك ؟
المجال الطبي
شخصيتك نوعها اية؟
شخصيه برجوازيه متسلقه متقلبه المزاج هوائيه
المود بتاعك؟
حسب الجو المحيط انا بكيّف نفسي عليهالسفر بالنسبة لك؟متعه وهوايه
وقت فراغك بتعمل فيه اية؟
يا مع اصحابي علي اي كافتريا او علي الكومبيوتر و النت
الاكلة المفضلة؟
مكرونه باللحمه المفرومه و رقاق باللحمه المفرومه برضو
الصفات اللي خدتها من ماما؟
الطيبه و الذوق و حب الناس وتقوي الله
الصفات اللي خدتها من بابا؟
العصبيه و سرعه البديهه
اكتر 6 حاجات بتكرهها؟
الغباء الاستهبال عدم الانضباط اللامبالاة الكدب الظلم
اكتر 6 حاجات بتحبها؟
البساطه التواضع اتقاء الله البحر الموسيقي الهاديه التفكر في امور الدنيا
الشغل بالنسبة لك؟
روتين يومي وواجب مقدس
اية الكومبيوتر والانترنت بالنسبة لك؟
اصدقائي في الفراغ عندما لا اجد اصدقائي حولي
امررها لكن من ساقته قدماة لمرور من علي التاج ده ايوة انت يا اللي بتقري انا بوجه التاج ده ليك و انتي كمان
واخيرا وعد مني لمحمد عبد الغفار وانجي بأن التاج اللي بعتوة هيكون الرد عليه قريب اذا لم تتغير الظروف ان شاء الله
دة ايه الصراحة دى
كنا عاوزين أسرار وحاجات من دى
:))))
بالمناسبة فاكر البوست بتاعى الخاص بمشكلة بين زوجين
الزوج عمل مدونة مخصوص عشان يعرض فيها وجهة نظره فى التعدد ولأى حد عاوز يحاوه
عنوانها
http://nagibidris.blogspot.com/
ايه بالظبط في المجال الطبي ؟
اس اس
وعذراء
ولحمة مفرومة
انا شاكة فيك اوعى تكون اخويا
طيب اطلع بالبطاقة كده؟
شخصية برجوازية متسلقة هوائية
ليه كده مش باين عليك انك كده
هههههههه
ايه الاجابات دي
كدة من غير لؤم ولا خبث
صراحة علي طول كدة
انا عارفة ان انت في مجال طبيي بس اللي مش اعرفوا تخصص ايه
علي فكرة من كام يوم قعت اقرا الميل بتاعك فاكره اليل بعتوا يوم بوست حياة ميتة
واكتشفت انك ظالم فيه ناس
هبقي اقولك بعدين
بس هتعمل التاج يعني هتعمل التاج
التاج التاج موعود يا اللي عليك التاج
كويس ان عرفنا اسمك يعني
تحياتشي
اجابات وافيه واضحه
ومن قلب المقرر
ايه يا بنى الجمال ده
تحياتى
اجوبتك جميلة وكلامك اجمل
ياسمين
----
اسرار مرة واحده مش شايفه ان دي حاجه صعبه شويه
وبالمناسبه قريت كلام الزوج ولم اقتنع به وبالتالي لم اعلق
ــــــــــــــــــــــــــــــــــــــــــــــــــــــــــــــــــــــ
sharm
-----
ابقي بص في البروفيل بتاعي
ــــــــــــــــــــــــــــــــــــــــــــــــــــــــــــــــــــــ
sampateek
----------
انا مش اخوكي شوفتي ازاي
وبعدين بطاقه ايه هو انا في كمين و ل ايه
انا معايا كارت ميناتل ينفع؟.
ــــــــــــــــــــــــــــــــــــــــــــــــــــــــــــــــــــــ
مصر هى أمى
------------
صدقني بجد دي شخصيتي وانا عارفها
ــــــــــــــــــــــــــــــــــــــــــــــــــــــــــــــــــــــ
سمور
----
طبعا من غير لا لؤم و لا مكر اصل انا قلبي قلب خسايه
التخصص كلها كام يوم كده و يبقي رسمي و ساعاتها هقولك علي اخر الشهر ان شاء الله
وبالنسبه للايميل بتاع الرد علي البوست بتاع حياة ميته انا لم اقسو علي احد ناقشيني بالدليل
ــــــــــــــــــــــــــــــــــــــــــــــــــــــــــــــــــــــ
Memo
------
اي خدمه يا ميمو
ــــــــــــــــــــــــــــــــــــــــــــــــــــــــــــــــــــــ
shiko
-----
يا افندم احنا بتوع المقرر
واي خدمه
ــــــــــــــــــــــــــــــــــــــــــــــــــــــــــــــــــــــ
فوضى الحواس
-----------
شكرا اخجلتم تواضعنا
ومنور المدونه
======================================================================
وتحياتي لكم جميعا
الدبور
كل تاج وانت طيب ياعم اسامة
ربنا يوفقك ويكرمك
تحياتى
gamdfa 2os2os dih a5er 7aga =D
الدكتور اسامة..ان لسه راجع من اللقاء وسعدت بمرفتك وبكل الشباب الجميل ده ارجو ان تتكرر هذه اللفاءت..ولى عوده للبلوج بتاعك بس على روراقه
شكلك كده بتحب المثل اللي بيقول
خير الكلام ماقل ودل
اجاباتك كانت مختصره وواضحه
وعرفنا حاجات بس قليله عن شخصيتك
يا عم الدبور مش عايز ابص في البروفايل
قللي هنا
هههههههههههههه
بيتهيألى ننسى التاجات والحلقان وعايزينك تكتب بوست صغير عن اللقاء بتاعنا
وانا هاااااااااااشوفك متقلقش
ايمن فاروق
دبور باشا
بجد اسعدتنا بوجودك و كمان اهتمامك الشديد بالحضور معانا بالرغم من مشوارك الكبير و سفرك
بينى و بينك انا لو كنت مكانك كنت هكسل
بس بجد كان يوم جميل جداً اكبر من اى وصف و اى كلام
تحياتى و مستنيك عندى
تامر
----
ربنا يخليك ياباشا و يوفقنا جميعا
ــــــــــــــــــــــــــــــــ
Drama Queen
------------
شكرا جدا منورة مدونتي يا قمر
ـــــــــــــــــــــــــــــــــ
hosnysoliman
--------------
و الله انا اتشرفت بمعرفت فنان من العيار الثقيل زي حضرتك
ــــــــــــــــــــــــــــــــــ
maksofa
--------
فعلا خير الكلام ماقل ودل وعلشان مش اصدعكم بالكلام عن نفسي و انا مش من هواة الحديث عن النفس
___________________________________
sharm
------
ياااه انت كسول جدا ياخي دي ضغطه واحده علي الماوس خليك نشيط كده امال
ـــــــــــــــــــــــــــــــــــ
راسبوتين
-------
من عنيا ياباشا علم ونفذ
ـــــــــــــــــــــــــــــــــــ
WHY me
-------
ربنا يخليك يابيه
وانا عديت بالفعل