ضرب نار حتي الصباح الباكر
في بداية ظهورها في الاسواق كانت تستورد من امريكا ،كانت تباع الحبايه الواحدة بـ 45 جنية وكانت تأتي مهربه وحاليا عندما تدخل أي صيدليه تجد شاب في العشرينات او بداية الثلاثينات طول بعرض وصحه ماشاء الله زي التور و بجوارة راجل مهكع لو نفخت فيه هيطير ومن غير ماتنفخ خالص انت بس انوي وهو هيطير بالنيه و الاتنين بيطلبوا نفس الحاجه.
طبعا اعتقد انكم عرفتوا هما بيطلبوا ايه؟ اكيد طبعا فيجا او فياجرا
لاحظت من واقع خبرتي الطبية ومن كثير من اصدقائي الصيادله ان الناس اصابها هوس الحبايه الزرقاء و اصبحوا متخيلين انها تجعل من الرجل سوبر مان في الفراش و الرجل الذي لايقهر و ضرب نار حتي الصباح الباكر و عاصفة الصحراء و حاجات من النوعيه دي وبحكم احتكاكي بالمجال الطبي كنت من فترة قريت دراسة مصغرة عن الفياجرا فقلت تشاركوني المعلومات دي و انا هبسطها لكم
الاسم العلمي : سيلدانفيل سيترات
الاسم العلمي : سيلدانفيل سيترات
الاسم التجاري : ماتعدش بس اشهرها الفيجا و الفياجرا
Tadalafil (Cialis) - Vardenafil (Levitra)ومن نفس المجموعه الدوائيه توجد ادويه اخري
وينطبق عليها ما ينطبق علي سيلدانفيل سيترات مع بعض الاختلافات البسيطة وبدون الكلام عن طريقه العمل التي قد لاتهم كثيرا
الاستخدامات لاشهرهم وهي الفياجرا
erectile dysfunction اول سبب و اهمهم فشل الانتصاب
ارتفاع ضغط الدم الرئوي
وظاهرة راينود
موانع الاستعمال
امراض القلب وخصوصا فشل القلب
ومن يتعاطون ادويه تحتوي علي النيترات
الفشل الكبدي الشديد
الفشل الكلوي الشديد
من يعانون من الضغط المنخفض
من اصيبوا مؤخرا بجلطات دماغيه او ازمات قلبيه
امراض شبكيه العين الوراثيه
الاعراض الجانبية الخطيرة
اخطرها انخفاض ضغط الدم
موت اجزاء من عضله القلب نتيجه عدم وصول الدم لها بشكل كافي
زياده ضغط العين
الموت المفاجئ
الاعراض الجانبيه العامه
صداع
الشعور بضربات القلب
عدم قدرة العين علي التعرض للضوء
تشوش في الرؤيه
عسر الهضم
العطس
ومؤخرا اشتكي بعض المواطنين الامريكان ممن استخدموها من فقدان النظر
اتمني اني اكون قدرت اوضح جزء ولو بسيط عن الدواء ده
اتمني اني اكون قدرت اوضح جزء ولو بسيط عن الدواء ده
و في النهاية احب اقول لكل شاب احترس و مش تاخد ادويه انت مش تعرف ايه اضرارها و خليها للي محتاجها و للي مابيعرفش وفي نهايه البرنامج احب اسمع اغنيه الصراحه راحه ياخويا و انت مابتعرفش لشاكيناز
أنا داخلة أقول كومنت على استحياء
بس أنا بحييك على الدراسة المفيده وفتح الكلام في حاجة يمكن كتير شايفينها خاصة قوي
بس أكيد الفايدة تحتم الدخول في كل ماهو خاص
تحياتي وإحترامي لموضوع مفيد ومغلّف بخفة دم محترمة جدا
موت مفاجىء وفقدان نظر و...و...
لا لا لا اسمحلى يا استاذ دبور
انا بنصح الناس ماتاخدش منك معلومات
مغلوطة زي دي
ازاي اخد معلومات من واحد غلطان فى اهم واخطر جزء في الموضوع
وهو اسم المغنية
حضرتك هي ماسماهاش شاكيناز
ومادمت معندكش علم يبقى ماتفتيش يا حضرت
ف البداية شكرا ع المعلومة وخفة الدم
المشكلة عندنا إننا بنستهلك وخلاص
عشان كده تلاقي شاب وعجوز بيستعملوا نفس الدوا
بس مش فاهم إيه العلاقة القوية والتأثير الكبير علي العين
وأنا مقتنع إن أي كيميا بتأثر خصوصا ف الحاجات اللي ليها علاقة بالهرمونات ولا إيه يا دكتور؟
وبعدين سيب اﻷغنية فحالها
أصلك لو ركزت شويه
هتعرف إنها كانت دعاية للدوا
وكمان توعية لأسباب الإستخدام والإعتراف بالمرض
ياعم اﻷغاني دي ليها معاني وفوايد كتيرة
بس إحنا الي مش بنركز
تحياتي
ربنا يغنينا من فضله
يسعدنا تشريفك
www.blogs4arab.com
بصراحه عايزين كل العلاقات تبقى اخويه
والحب يبقى رومانسى
والجواز يبقى ونس
وسيبكم من الحاجات اللى ما يصحش
والافكار اللى مش ولا بد
والنية السودا ناحية مراتك
هو انت ماعندكش اخوات بنات؟
يا نهار اسود
عايزين الحرمات تنتهك؟
والاخلاق تداس؟
والبجاحه تسود؟
لا يا دبور
عايزين نبقى ملايكه
زاهدين
مترهبنين
امال الكوتشينه اتعملت ليه
والطاوله اتصنعت ليه
والدومينو لازمته ايه
يا مفترى
هههههههههههههههههههههههههه
وتقولي موضوع خاص بالرجالة بس
ههههههههههههههههه
بص يا سيدي انا عن نفسي الدكتور كتب البتاع دة ليا
لالالالالالالالالالالالا
مش ليا قصدي للقط بتاعي عشان يعرف يتجوز
هههههههههههههههههه
وكل ما افتكر اقعد اضحك لما افتكر رد فعلي اول ما الدكتور قالي الكلمتين دول
بس مين شاكيناز دي يا عم اسامة
دي سيادتك اسمها كينام
اتعلموها بقي
ههههههه انت دكنور و لا ايه
تصدق انا كنت ناوية عن المواقف اللى بتقابلنا فى الصيدلية
بس مكنتش هكتب المعلومات دى
بس الدراسة اللى انت كاتبه كويسة على الله حد يسمع
يا راجل
طيب وبعدين
أية!!!! أعشاب بقى ولا أية؟؟؟
طيب انا قولت مفيش غير الدبور يظبطنى فى المشوار دة
فضحتنا ياعم
خلاص نقضيها بوس بقى
:)
معلومات مهمة تسلم ياصاحبى عليها
بس الصراحة راحة بقى دى للمعلمة مروة
تحياتى
ماشي يادكتور اهي معلومات برضه بس معروفه يعني الناس الي بتاخد البتاع دي عارفه انها ممكن تموت بس خلاص بقي تعبانين يقولك نموت نموت بس يبقي عيشنا حياتنا
:)))))
المفروض بقي علي كلامك ينزلوها علي بطايق التموين ادام الطلب عليها كتير كده
الا قولي هي مصر لسه فيها بطايق تموين و لا اتلغت
تحياتي
ياريت كلامك ده يخلي الطفسين اللي موش محتاجين للحبايه دي
يبطلوا طفاسه
I do not know why men feel that being good in bed is worth everything even thier health.. Yeah it soething important I presume bass not to the extent of hurting one's health.. Thank you for your heads up for the cons and not being facinated by it like most men are.. Peace..
Hello!
Very good work, thank you. Of Portugal
InsyaAllah
يا عم الدكتور انت كتبت كلمتين تخلي الواحد ينكسف يعلق عندك
يطير بالنيه و كمان ضرب نار لحد الصبح و عاصفة الصحراء
انت بتشوه سمعة المنتج بالتنكيت و للا ايه؟
عموما انت بتنفخ في قربه مقطوعه
انت لو قلت من الاخر الحبايه دي بتموت
برضه اللي بياخدها هياخدها
ههههههههههه
تحياتي
ماشي يا عم اسامة
بس من الاخر معاك حباية؟؟؟؟؟؟؟
عملت ايه في اللقاء التاني
قولي؟
ومتشكرين ياسيدي علي الاتصال منك ومن شقير
ايه ياعم الدكتور مش الدكتور بتاع تخدير برده ولا ايه
انت كنت دبور وزن على خراب عشه الشركة مش هتسيبك فى حالك كده
بما انك دكتور كبير اوى متقولنا على العلاج المفيد بأه وبالمرة ياريت تشوفلى عروسة اجرب معاها العلاج بتاعك
يا وااااااااد يا جن
فكرتني بالنوم في العسل
حلوان اتضربت يا جدعان
بس انت كده ماقولتش الحل
يعني اللي .........يعمل ايه بقي لا مؤاخذة
ههههههههههههههههههههه
يا اسمعلاوي
سلام
حلو والله البوست يا أسامة بس يخرب عقلك شكلك ميبانش عليه يطلع منه الكلام ده
الصورة معجبتنيش بس رغم ان اعلانات التلفزيون وخصوصا بتاع المسمار يمكن أنيل
:))
سلامات