توضيح بخصوص اللقاء
نزولا علي رغبات الساده المعلقين بخصوص اللقاء ووصفهم بأن البوست السابق اللي كتبته هجومي وبطريقه شديدة
احب ان اوضح وجهه نظري عندما انتقدت كنت انتقد بعض مما حضروا اللقاء و ليسوا ال60 مدون كلهم وقلت فيما معناه ان ليس كل من حضروا اللقاء سيئين بل ان كلهم محترمين عدا القليل جدا و منهم من أعرفهم من اللقاء السابق وهم 16 مدون او تربطني بهم صله عن طريق المدونات والتعليقات المتبادله ومنهم من كنت اتمني أن أعرفهم لما سمعته عنهم من الحضوراو لمسته من احترامهم للاخرين و انتقادي ليس علي اساس الشكل و لا المظهر الخارجي فالتجمع ده ثقافي مش اختيار ميس و مستر بلوجر يبقي اللي جاي عارف ان تجمع ثقافي مش رانديفو فمن الاولي احترام الحضور
بعض من المواقف اللي ذكرت في البوست هي من الواقع و ليس من تأليفي ومحض خيالي
انتقدت اللقاء لانني كنت اتمني ان يكون افضل من ذلك و اقدر الجهد المبذول فيه حتي يخرج بهذا الشكل الجميل وتخيل نفسك معك لوحه فنيه قيمه جدا تعبت فيها جدا و جاء شخص غير مبالي بها لوثها ببقعه صغيرة جدا تكاد لاتذكر و اضاع جزء من مجهودك الثمين ماذا سيكون رد فعلك ؟ ها قولي ؟ اكيد طبعا هتمسك في زمارة رقابته علشان اللي عمله!! مش صح ؟ انا اعتبرت اللقاء ده هو اللوحه
و اذا لم اكن انا مقتنع باللقاء و فكرته لما حضرت من الاسماعيليه الي القاهرة مرتين رغم ظروف عملي المجحفه الا انني تحاملت علي نفسي لاحضر و انا لا انتظر شكرا من احد علي حضوري
و البوست ده مش اعتذار علي قدر ماهو توضيح وجهه نظر و اعترف ان اسلوبي كان قاسي بعض الشئ او قاسي جدا فمن وجهه نظري ان اللقاء مازال طفلا صغيرا و يحتاج قدرا من الرعايه و القسوة احيانا حتي لايحيد عن اهدافه و ينمو كما هو مخطط له
ارجو ان تكون وصلت وجهه نظري
احب ان اوضح وجهه نظري عندما انتقدت كنت انتقد بعض مما حضروا اللقاء و ليسوا ال60 مدون كلهم وقلت فيما معناه ان ليس كل من حضروا اللقاء سيئين بل ان كلهم محترمين عدا القليل جدا و منهم من أعرفهم من اللقاء السابق وهم 16 مدون او تربطني بهم صله عن طريق المدونات والتعليقات المتبادله ومنهم من كنت اتمني أن أعرفهم لما سمعته عنهم من الحضوراو لمسته من احترامهم للاخرين و انتقادي ليس علي اساس الشكل و لا المظهر الخارجي فالتجمع ده ثقافي مش اختيار ميس و مستر بلوجر يبقي اللي جاي عارف ان تجمع ثقافي مش رانديفو فمن الاولي احترام الحضور
بعض من المواقف اللي ذكرت في البوست هي من الواقع و ليس من تأليفي ومحض خيالي
انتقدت اللقاء لانني كنت اتمني ان يكون افضل من ذلك و اقدر الجهد المبذول فيه حتي يخرج بهذا الشكل الجميل وتخيل نفسك معك لوحه فنيه قيمه جدا تعبت فيها جدا و جاء شخص غير مبالي بها لوثها ببقعه صغيرة جدا تكاد لاتذكر و اضاع جزء من مجهودك الثمين ماذا سيكون رد فعلك ؟ ها قولي ؟ اكيد طبعا هتمسك في زمارة رقابته علشان اللي عمله!! مش صح ؟ انا اعتبرت اللقاء ده هو اللوحه
و اذا لم اكن انا مقتنع باللقاء و فكرته لما حضرت من الاسماعيليه الي القاهرة مرتين رغم ظروف عملي المجحفه الا انني تحاملت علي نفسي لاحضر و انا لا انتظر شكرا من احد علي حضوري
و البوست ده مش اعتذار علي قدر ماهو توضيح وجهه نظر و اعترف ان اسلوبي كان قاسي بعض الشئ او قاسي جدا فمن وجهه نظري ان اللقاء مازال طفلا صغيرا و يحتاج قدرا من الرعايه و القسوة احيانا حتي لايحيد عن اهدافه و ينمو كما هو مخطط له
ارجو ان تكون وصلت وجهه نظري
مسيو دبور
أولاً أنا معرفش إيه اللي قلته في تعليقك على اللقاء..بحثت عن بوست يخص الموضوع ده دون جدوى..قلت يمكن سعادتك قرصت البوست قصدي مسحته
بس احب أقول إننا مهما ضحكنا على بعض اليوم كان فيه سلبيلت كتير..أنا كتبت في الموضوع ده..وما استغربتش لما قلتلي إنك كتبت..طبيعي يكون فيه سلبيات زي ما برده كان فيه إيجابيات.. الناس نوعيات ونوعيات
متزعلش نفسك على العموم طول ما النقد بناء من غير تجريح يبقى مفيش مشاكل..مش هقدر أحكم من غير ما أقرا البوست الخاص بالموضوع..بس كلنا في الأول وفي الآخر اصحاب ونكبر دماغنا
يالله ادخل مدونتي واقرا السلبيات اللي انا اتكلمت عنها..بس متزعلش..زي ما فيه سلبيات فيه إيجابيات..الناس زي ما إحنا عارفين..نوعيات ونوعيات
سلام
ممم انا محبتش ازعل ياسمين
انا علي النت من 97
و عارفة نظام التجمعات المفتوحة بيبقي ازاي
عشان كده مروحهاش اصلا
انتم خلاص عرفتم الناس الكويسة
علموا عليهم
و الاتفاق علي التجمع يبقي من خلال ايميلات
مش من خلال اعلان ممكن اي حد يجي مهما كان سنه او افكاره
متزعلش من رأي
بس هو ده سبب ان عمري ما هاجي تجمع
انا مقريتش بوستك الي فات
أنا مقريتش البوست اللي بتتكلم عنه
بس النقد مطلوب
ولو حاسس إنك كنت قاسي حبتين
فممكن ده يكون إيجابي
لأن لازم حد يتكلم عن السلبيات
وبعدين أكيد اللي جاي هيبقي أحلي
تحياتي
كنت فاكرة إني مش عافة أوصل للبوست اللي أشرت ليه عشان أنا اللي مش عارفة
بس واضح إنك لغيته
عموما النقد مش غلط و مش المنتظر منكم المدح فقط رغما عن أي أخطاء
وكمان الأخطاء مش معناها فشل .. هي أكيد مؤشرات لإجراءات كانت لازم تتعمل و انتوا ما انتبهتوش ليها
وبما إن الدعوة عامة فأكيد كان لازم حاتتواجد عناصر مش من ضمن السياق العام
أنا شايفة إن الإنتقاد مهم جدا و شيء طبيعي زي ما خروج البعض عن المرغوب برضه شيء طبيعي
اتمنى أن أجد عند حد أي شيء يعرفنا أحداث اللقاء اللي إستنيناه
تحياتي
الدبور
طبعا انا زى كل اللى علقوا عندك مش لاقى البوست اللى انت اتكلمت عنه لكن بعد كده اعتبرات البوست ده الكلام اللى انت قولتهولى فى الاجتماع عن رفضك لمشاهد معينة كنا شايفنها وطبعا انت عندك حق فى حاجات كتير مكنتش ظريفة لكن هرجع واقولك ان ده تجمع جديد وفى ناس مكناش نعرفها وصعب جدا انك تسيطر على ناس متعرفهاش وملكش حكم عليها فمعلش احنا لسه فى الاول لاوم يكون فى لخبطة
---------------------------------
عموما انت لازم تيجى المرة اللى جاية القعدة مش هتحلى من غيرك
وانت احسن من الناس التانية اللى كنت بتتكلم عليهم
اسمع يادبور
لو قرصتك معملتش صدمه للأخرين يبقي وفرها خساره
لاتعتذر
وقل مارأيته من وجهه نظرك وعلينا جميعا أحترام أراء بعضنا البعض
عن نفسي أرفض أن أكون نسخه من الأخرين أو أكتب فقط مايرضيهم عني
وززززززززززززززززززززززززز
أقرص ولا يهمك
هو قفص الطماطم اتقلب فجاه لوحه فنيه ماعلينا اللوحه عموما احسن من القفص بكتير
:)))
حصل خير يا اسامه
انا اشكرك على انك طلبت انى اقرأ الموضوع
رغم انى لم اجد النقد الذى ذكرته
لكن من حقك تنقد و تذكر رأيك
و يمكن لأن العدد كان اكبر من المتوقع و ده اللى سبب بعض الفوضى
لكن على كل الأحوال اللقاء كان جميل
و ان شاء الله المره الجايه يكون منظم اكتر
تحياتى
انا قريت طبعا البوست السابق وهو لم يكن نقد بقدر ما كان سباب .. شتيمة يعنى فى الكل بلا استثناء
حتى من استثنيتهم وقلت عليهم الكويسين زعلوا وأظن سهر الليالى قالتلك الكلام دة لما تقول على الحاضرين انهم كانوا أشباه مدونين وكلام وحش وحش وحش وحش دة معناه ان كلنا وحشين لأننا قبلنا نقعد مع الوحشين المستهترين أشباه المدونين زى ما وصفتهم .. وكلام مش عاوزة أكرره
أنا لا أعتقد اننا كنا بهذا السوء ..
وأنا طبعا بأشكرك انك لغيت البوست لكن لو سمحت أنا بأطلب منك انك تعتذر فعلا عن الكلام اللى كتبته دة ومش كفاية وجهة نظرك لأنك استخدمت ألفاظ جارحة للكثيرين
وجهة نظرك ونقدك لينا على عينا وعلى راسنا لكن يجب أن يظل النقد فى حدود الآداب العامة والتى خرج عنها بوستك السابق قلبا وقالبا
البوست عندى على فايل وورد أبعتهولك عشان تقراه تانى ؟
برضه شكرا وكتر خيرك
انا جيت من عند ابراهيم اللي روحت عنده من خلال جدو
كمان لقيت عندك تاج من حفصوتشا صحبتي اللي جاية تزورني النهاردة
المهم بخصوص تسجيلك للقاء السحاب أنا رأي انه لا داعي للاعتذار انت قلت وجهت نظرك ورصدك للقاء واللي مش عاجبه لسعاتك ....هو حر
تحياتي
عجبتني فواصلك الاعلانية
أزال المؤلف هذا التعليق.
لم اقرأ البوست الاول
لكن
عندك حق
انا شايفه ان المشكله مش في مين محترم ومين لا لكن المشكله ان احنا فعلا من دول العالم الثالث و لن استغرب او استنكر هذا مره ثانيه لان ابسط قواعد المناقشات هو الاستماع فأين هو في هذا اللقاء
اشكرك علي اهتمامك برأي وانا هاكتب رأي بوضوح في مدونتي مساء اليوم
تحياتي
انا برضه ماقريتش البوست الأول
بس من كلام ياسمين شكله كان ضرب نار
عموما
من حقك انك تتضايق من بعض الحاضرين
بس هكرر كلامى تانى
الحكاية لسة فى أولها
و الطفل الصغير لسة بيتعلم يمشى
و مسيره فى يوم يقدر يجرى
ناس كتير ذكرت نقطة ان العدد كان اكبر من المتوقع
و اعتقد ان ده كان سبب رئيسى لبعض القصور فى اللقاء
بس فى ناس كتيييييييييييييير تعبوا عشان اللقاء ده
اولهم ياسمين و سمرا
و بجد لولاهم كانت حاجات كتير هتبوظ
بس احنا برضه بنتعلم
يعنى اكيد فى المرة الجاية هيتم تلافى أخطاء المرة اللى فاتت
و على كل حال
هتكلم عن نفسى
انا كنت مبسوطة جدا لمقابلتى الناس دى
و يكفينى شرف التعرف عليهم
دبور علي فكره النقد شي مهم لان الاختلاف ده شي عادي وياريت محطش في دماغك حاجه وياريت تبقي تشرفني علي مدونتي
بصراحة انت عامل مجهود فعلا عشان توضح وجهة نظرك
ودة كفاية علية
انت مش واخد بالك ان كل اللى حضروا معاك فى انك تنقد الوضع اللى ما يعجبكش ولا يعجب حد لكن انك تعمم الوحاشة .. لأ
البوست دة بيقول اللى المفروض كان يتقال بدون ألفاظ جارحة
اعتراضى ما كانش على النقد .. لأ .. على الألفاظ والتعميم والدليل على كدة ان طارق-واحد من الناس كاتب نقد لسلبيات اللقاء فى منتهى الروعة
اشكرك يا أسامة على سعة صدرك ومسامحاك على البوست اللى فات
معانا على طول بقى انشاء الله
أسامه
أنا بصراحه مشفتش البوست اللي عمل المشكله بس أحييك علي محاولات الدءوبه لتوضيح رأييك للمدونيين و أكيد كان فيه سلبيات بخصوص نقطه تنظيم اللقاء بس برضه احنا ليه في البدايه و العدد كبيير..باذن الله المرة القادمخ أفضل و المهم تنورنا المرة الجايه
تحياتي لك
انت راجل نضيف يا ابني
وده حاجه نادره في الزمن ده
ادام الكل متفق ان كان في حاجات غلط اكتبوها او حتي اعملوا لسته اسمها هؤلاء غير مرحب بهم اي حد كان تصرفه مش قد الموقف بلاش منه في غيره كتير
:)
انا راي رجع البوست القديم الي لغيته تاني من حقك تكتب بالطريقه الي عاوزها عن الاوضاع الغلط دايما لازم يبقي الكلام عنيف علشان يغير الكلام الحلو بيعدي بسهوله
احيك علي روحك الجميله
بس علشان تكون عارف الناس كانوا فاكريناها قعده تهيس مش لقاء فكري و اعتقد الاصناف دي بعد ما لقيتها كلام ممل بالنسبه ليهم مش هتشوفهم تاني بس المشكله ان الناس النظيفه اعتقد برضه اتخنقت و العدد المره الي جايه هيقل كتير
تحياتي
ايه يا اسامة ايه الاخبار؟
انت مزعل الناس ليه؟
هو ايه اللي انت كتبتة؟
ومحكتليش عن اللقاء ليه؟
هبقي اتصل بيك
سلام
د. خالد عزب
سلاموا عليكم
ازيك يا دبور يا خويا
اول حاجة انا شايف ان من حقك انك تنقض اى حاجة و اى حد بدون التجريح فى شخصة
من الواضح ان معظم اللى علقوا عندك هنا ماشفوش انت كتبت ايه فى البوست اللى اتمسح
بس لما قرايت تعليق ياسمين و كام حد تانى استشفيت القصة بس الموضوع كان فى ايجابيات و سلبيات و عادى يعنى محصلش حاجة
بما اني مليش في الموضوع
فبقول
مساء الخير
عامل اية
ازيك؟
انت برج القوس؟
انا دخلت وكنت خايف اتلسع بس عدت علي خير مدونتك رائعه تدل علي ان صاحب المدونة يتمتع بشخصية ممتعة
هجي تاني
تحياتي انا لسه مقرتش المواضيع احجزلي كرسي
أولا دعني أحيك يا ابني
المدونة بتاعتك هايلة و تصميمها كمان لذيذ و شقي
لو انت اللي مصممها يبقى أرفعلك القبعة
البوست اللي انت بتتكلم عنه واضح ان انت لغيته
خليني أقولك ماتمسحش أي بوست الا اذا كان فيه حاجة مخلة بقواعد الأدب أو إذا كنت حاسس انه هيوديك ورا الشمس
بقية البوستات بتبقى تعبير عن رأيك أو حالتك النفسية في وقت معين و الغاءك لها زي مايكون بتقول ان الموقف اللي سببها ماحصلش
مافيش مانع لو حسيت انك احتديت أو غلطت في حد انك تعتذرله في بوست منفصل
يعني ده رأيي و انت طبعا حر في مدونتك يا عم..من غير قرص لو سمحت
تحياتي ليك و للدراويش
القصاص لأسرانا الشهداء رجاء التوقيع وارسال الرسائل
اسامه
معلش انا عارف انك طلبت منى انى اقول رأيى
وانا كنت اول واحد انت تطلب منه الطلب ده
بس اعتذرلك لانى بعد ما كلمتك بالظبط حصلت شويه ظروف شغلتنى وشغلت كل تفكيرى بس انا عرفت انك حذفت البوست وانا كنت متأكد انك هتعمل كده
وده شىء كويس جدا وبحييك عليه
وانا كاخ وصديق
بطلب منك التروى بعد كده لاننا اصدقاء وربنا ما يجيب حاجة وحشه يا بطل
ايمن فاروق
بكره
بكره
ان شاء الله هاكلمك
trust in me
هيا المدونه بقا كلها كدا
هههههههههههههههه
لا يا عمممممممممممم
انا هعلق على الفياجرا احسن
عزيزي دكتور دبور
اسعد بوجودي لاول مره في مدونتك يا دكتور
وانشاء الله سأتواجد دائما
مدونتك رائعه جدا
بالنسبه لموضوع اللقاء قرأت كلامك ولكن يا سيدي لابد من وجود اخطاء
فالمعدل العمري بين الملتقين يختلف
وثقافتهم تختلف
ثم انه بدايه اللقاءات
ارجو ان اكون معكم في ا للقاءات المقبله
لك تحياتي
آمل متابعة موضوع الأقصى علي مدونتي
توجد أخبار سعيدة
أشكرك
انت بتهرج على فكرة
تيجى لحد برة و متدخلش
بجد كنت عايز اشوفك يابنى
تتعوض المرة الجاية
أنا سعيد بزيارة المدونة الجميلة دي .. حقيقي تصميمها رائع زي موضوعاتها كده
أنا قرأت أغلب الموضوعات وحقيقي عجبتني كتر
وبالنسبة للبوست ده فأنا طبعا رغم إعتراضي على مسح البوست السابق كمبدأ عام بغض النظر عن محتواه إلا إني من غير ما أكون حاضر معاكم أقدر أتخيل الموقف وسلبياته المتوقعه وخصوصا إن كان فيه عدد كبير زي كده بيتعرفوا لأول مرة على بعض .. لكن طبعا ما ننساش إن الهدف من اللقاء أصلا نبيل وتشكروا عليه
تحياتي وبالتوفيق
تصدق بإيه يا مسيو دبور أنا زعلت جداً لما عرفت إنك كنت موجودفي القاهرة يوم الحفلة ومشوفتكش بالذمة ده كلام؟
ممكن تطلع من العش اللي انت فيه وتورينا نفسك وكونك تبقى موجود وما نشوفكش يبقى الدنيا لسه مش مستريحة والنفوس مش هادية ودي حاجة تضايق
انت خلاص اعتذرت بما فيه الكفاية والزعل مرفوع خلاص
تحياتي ليك بس لازم اقابل سعادتك حتى لو تحبها مقابلة خاصة بيني وبينك شوف انت هتنزل القاهرة امتى وقوللي
سلام
قلت في تعليقك انك بتفكر تبعد
حبيت اقولك بس
انه يمكن انا معرفكش ولا يمكن حشوفك في حياتي
بس خليك هنا
لان ده مكانك
مكانك انك تتواصل
مش مقتنع ان فيه حاجه اسمها عدم القدره علي التواصل
انقد وعبر يا سيدي
تكلم واحكي وتحدث
ستجد من احبوك يتفاعلون
وغيرهم يتزايدون
ستحدث فرقا كبيرا
التدوين ورغم حداثه عهدي بكم
رأيت فيكم مصر بوجه اخر
فلا تهزوا الصوره
ولا تهربوا
لاترحلوا مع من رحلوا
ابقوا هنا وشاركونا
ربما نصنع الفرق
تحياتي وتمنياتي بتراجعك عن قرارك
انا لسه جديدة فى عالم التدوين لكن عجبتنى مدونتك اوى ,,,وعلى فكرة انا تابعت موضوع انتقادك للقاء ,,,انا رأى انك حر فى كلامك وانتقادك طالما انك بتتكلم من وجهة نظر عامة عن اللقاء لكن مش بتنتقد لمجرد الانتقاد او ان فلان او علان مش عاجبك ,,,انت زى ما قولت اللقاء يعتبر طفل صغير محتاج زى ارشادات كده ,,,وكفاية انك عملت بوست تانى تكتب فيه اعتذار عن نقدك القاسى لكن الاحلى بقى انك اضريت على اهمية نقدك ,,,لكنك خففت من قسوته بالبوست ده ,,, سلام
انا معاك انه اليوم كان فيه سلبيات كتيره بس اجابياته كانت اكتر
و ان كان على الناس الى بالى بالك فده شئ متوقع كل ما يزيد العدد بس الى علينا اننا ممكن فى المرات الجايه نعمل لقاء بشكل اكثر تنظيماً بحيس اننا منتركش المجال لاى حد جاى علشان بيوظ اللقاء
و اهم حاجه اننا نشوفك تانى لانى حسيت المره الى فاتت انك مش ناوى تيجى تانى
تحياتى يا صديقى العزيز و الى الللللللللللللللقاءءءءءءءءءءءءءءء مرة اخرى
مش عارف انتى فاكرنى ولا لا انا كنت واقف معاك فى اجتماع الاوبرا لكن لكثرة العدد مقدرتش اتعرف عليك كويس بس احب اقولك انك كنت من ابرز الشخصيات الموجودة وانك دمك خفيف موووووووووت انا لسه لحد دلوقتى لما بفتكر النكته بتاعت الديك بموت من الضحك عجبى البوست بتاع الفيجا جدا ورايى انه هادف جدا ... اتمنى اتعرف عليك اكتر فى المرات الجايه ان شاء الله
انامقريتش الموضوع القديم ، بس مع النقد تماما لو مفيهوش تجريح .
عموما ان مقعدتش كتير في اللقاء لكن العدد الكبير خلاني مش عارفة اعد ولا أكلم حد ، ويمكن ده اللي مخلانيش اعد كتير علشان انا مش بستريح في التجمعات الكبيرة
لكن أكيد كل حاجة ليها سلبيات وايجابيات. المهم اننا نحاول تدراك الموضوع.
طبعا هو الوقت متاخر جدا بس معلش بس انت تعبر عن رايك بحريه ومش من حق حد انه يهاجمك مادام ماجبتش في سيرة حد وادام ماغلطتش في حد وعشان كده انت مش لازم تتاسف لحد او حتى توضح وزي ما قالت ياسمين سكاي انت بتكتب عشان انت عايز تكتب مش على دماغ الناس