<body><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/platform.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d7580833115899121633\x26blogName\x3d%D9%84%D8%B3%D8%B9%D8%A9+%D8%AF%D8%A8%D9%88%D8%B1\x26publishMode\x3dPUBLISH_MODE_BLOGSPOT\x26navbarType\x3dBLACK\x26layoutType\x3dCLASSIC\x26searchRoot\x3dhttps://dabbor.blogspot.com/search\x26blogLocale\x3dar_EG\x26v\x3d2\x26homepageUrl\x3dhttp://dabbor.blogspot.com/\x26vt\x3d-6701235644995733106', where: document.getElementById("navbar-iframe-container"), id: "navbar-iframe" }); } }); </script>

لسعة دبور

 

اذان المغرب برعايه فودافون


مع بدايه التنافس الإعلاني بين شبكتي المحمول في مصر و انضمت اليهم اخيرا الشبكه الثالثه ليزيد التنافس المحموم بينهم خرج علينا احد شيوخ الفضائيات في برنامج فتاوي القهاوي ليعلن انه لامانع من تأجير المآذن لتلك الشركات لاستخدمها في الاعلانات و انشاء ابراج تقويه وبرر قوله بأن المساجد سوف تستفيد من ذلك الريع و تنفق علي نفسها منه

ومن هنا اسجل خوفي من تزايد تلك الفتاوي و التي لا اساس لها إلا البحث عن الشهرة و الفرقعه الاعلاميه وياخوفي لييجي اليوم اللي تلاقي فيه إعلان بالبنط العريض بيقول " مع تحيات موبينيل الراعي الرسمي لصلاة الضهر" أو تفتح التليفزيون و تلاقي صورة الجامع و مكتوب عليها " كان هذا أذان المغرب برعاية فودافون"واخشي أن أعيش لأري اليوم الذي يتم فيه منع مشتركي موبينيل من دخول المسجد اللي بتأجر مأذنتة فودافون او يوضع اعلان في المسجد " عزيزي المصلي صلّ السنة و احصل علي دقيقة مجانا من اتصالات

هذا البوست برعاية موبينيل اول شبكة محمول في مصر


التسميات:

By الدبور
On الثلاثاء، يوليو ٢٤، ٢٠٠٧
At ١٢:٤٨ م
Comments :
 

for this post

 
Blogger محمود على Says:


ابتسم انت في مصر

 
 
Blogger شيماء الجيزى Says:

اسامه

صلى على النبى كده واهدى

دول عالم مش فاهمه بتعمل ايه

حسبى الله ونعم الوكيل فيهم والله

كل حاجه وليها حرمة
..

هما ميعرفوش ان الشبكات دى بتأثر على مغناطيسية البنى ادمين

والله سمعتها قبل كده

ولو عشت هتشوف اكتر

يلا يا اسامه

سلام بقى

 
 
Blogger Radwa Says:


مع تحيات موبينيل الراعي الرسمي لصلاة الضهر" أو تفتح التليفزيون و تلاقي صورة الجامع و مكتوب عليها " كان هذا أذان المغرب برعاية فودافون"واخشي أن أعيش لأري اليوم الذي يتم فيه منع مشتركي موبينيل من دخول المسجد اللي بتأجر مأذنتة فودافون او يوضع اعلان في المسجد " عزيزي المصلي صلّ السنة و احصل علي دقيقة مجانا من اتصالات

ههههههههههههههههههههههههه
انا اول مره اسمع عن الموضوع دا
بس عادى تخيل كل حاجه فى مصر
دا مصر ام العجايب

 
 
Blogger كراكيب عادل Says:

شكلك تبعهم يا معلم وبتعمل دعاية متغطية

ههههههههههههههههههههههههه

في النهاية لا يصح الا الصحيح

 
 
Anonymous غير معرف Says:

يا ساده إحنا مقبلين على العصر الحميري.
حيث يتحول الناس الى حمير.
يعيشون حمير ويموتون حمير ويحشرون في زمرة الحمير.
وقديما في بني حمير كان الحمار له قيمه وغاية وهدف أما في العصر الحميري الحديث فالحمار ليس له غاية ولا يسعى لهدف ولا يشتهي إلا التبن - أعزكم الله - فهنيئا لمصر ولساسة مصر. وجمهورية مصر العربية ستتحول إلى زريبة الحمير العربية.
حمار من الشرق

 
 
Blogger انحلت سيور العربه وسقط المهر من الاعياء Says:

الدبور الدكتور


هههههههههههههه
بوست دمه عسل
تحيا تى

 
 
Blogger micheal Says:

أسلوبك الساخر هايل يا أسامه
أنا ضد استخدام دور العباده في مثل هذه الاشياء
تحياتي لك

 
 
Blogger البنت الشلبية Says:

ههههههههه اهو ده الى ناقص

الى يعيش فى مصر ياما يشوف

 
 
Blogger Hannoda Says:

هههههه
كده إ،ت وصلت للتطرو الطبيعي للسيناريو الحالي
بس حايحسبوا عدد الركعات إزاي بقى عشان يعرفوا صليت السنة ولاّ لأ

عموما كله مش بعيد على التكنولوجيا و البيزنس

بس إ،ت برضه طلعت مستفيد من القصة و أخدت توكيل إعلانات موبينيل مرة واحده

طيب كل كزمنت عليه ايه ولاّ ؟
:)

 
 
Blogger daktara Says:

توب علينا يارب

اخبارك ايه يا اسامه
ربنا يفك زنقتك يابني
عالله تكون بخير
واحشنا وواحش التدوين
ترجع بالسلامة

انظر حولك
د. خالد عزب

 
 
Blogger LOJAIN Says:

موضوع رائع من شخصية رائعة كالعادة
لكن الموضوع فى كنيته طبعا مش رائع ولا حاجة ومش عارفة ليه مبقفيت مستغربة
بعد ببساطة مع بنلاقى الشركات ببتباع عشان تجيب فلوس و سبحان الله الحاجة بعدها تغلى

جامعة اسكندرية معت انها هتتباع برضه
عشان باين ملهاش لزمة ولا ايه اللى اعلم

فالعادى بقى حط محطات تقوية فوق الماذن
ومش مشكلة المصلين فى رحمة ربنا يعنى
وادينا بنكفى نفسنا السؤال

وحسبى الله و نعم الوكيل

معلش على التاخير عشان جنابى كنت فى امتحانات م شانتوا بس اللى بتوحوا منح و مشغولين ;)

Regards:
Lojain :)

 
 
Blogger smraa alnil Says:

حسبي الله ونعم الوكيل
والنبي يا ابني مش بعيد عليهم يعملوها

مش بقت غريبة عليا نعمل اي حاجة

 
 
Blogger غمض عينيك Says:

سيبك انت فودافون جابت من الاخر



صلي الظهر وماتفوتش لحظه

 
 
Blogger Unknown Says:

و ممكن يعملو زي نجوم إف إم و المؤذن في وسط الأذان يقول كوكاكولا

 
 
Blogger الدبور Says:

محمود علي
--------
هم يضحك وهم يبكي
وهم يا جمل

___________________________________

شيماء الجيزي
-----------
انا هادي اهو يا شيماء ومش متعصب و لاحاجه
موضوع التاير علي الناس محل خلاف وجدل
و الله اعلم

 
 
Blogger الدبور Says:

سندريللا
-------
مانا كل ماتخيل حاجه في مصر الاقيها فعلا موجوده
ربنا يستر

ـــــــــــــــــــــــــــــــــــ

كراكيب عادل
-----------
لعلمك بقي انا مش معاهم انا مع الناس التانيين

 
 
Blogger الدبور Says:

غير معرف
-------
ايه ياعم البؤس اللي انت فيه
وكمية السواد اللي في عينك
دي بلدنا 100 فل و عشرة
انت بس اللي مش واخد بالك

ـــــــــــــــــــــــــــــــــــ

الجحيم هو الحقيقة
---------------
شكرا ياباشا وابقي تعالي هتلاقي حاجات تبسطك

 
 
Blogger الدبور Says:

مايكل
-----
ةانا كمان ضد الفكرة من اساسه

ـــــــــــــــــــــــــــــــــــ

البنت شلبية
-----------
مصر
اوي تغمض عينك
لتاخد علي قفاك

وياما نشوف يا شلبيه

 
 
Blogger الدبور Says:

هنودة
-----
تصدقي مش جه علي بالي ازاي حيحسبوا عدد الركعات
طبعا مش لازم يكون في راعي للبوست واهو كله بزنس

ـــــــــــــــــــــــــــــــــــ

خالد عزب
--------
ازيك يا بني عمل ايه و اخبار الامتحانات ايخ شد حيلك
دي لسنه الاخيرة في المشوار الطوووووويل
ربنا يوفقك وتوب علينا و عليك يارب

 
 
Blogger الدبور Says:

lojain
------
موضوع رائع من شخصية رائعة كالعادة
ربنا يخليكي يارافعه معنوياتي

عارفه في الاحول اللي زي دي الوحد يقول ربن يرحمنا برحمته
وحسبي لله ونعم الوكيل
وبالتوفيق في الامتحانات يا افندم

ـــــــــــــــــــــــــــــــــــ

انجي
---
والنبي يا ابني مش بعيد عليهم يعملوها

ربنا يسترها ياماما انا خايف من خرة الهبل بتاعهم
ربنا لاتؤاخنا بما فعل السفهاء منا


===================================
وتحياتي لكم جميعا
الدبور
===================================

 
 
Blogger الدبور Says:

غمض عينك
--------
مش بعيد عليهم

ـــــــــــــــــــــــــــــــــــ

طارق
----
ربنا يهدينا و يهديهم

 
 
Anonymous غير معرف Says:

Oi, achei teu blog pelo google tá bem interessante gostei desse post. Quando der dá uma passada pelo meu blog, é sobre camisetas personalizadas, mostra passo a passo como criar uma camiseta personalizada bem maneira. Se você quiser linkar meu blog no seu eu ficaria agradecido, até mais e sucesso.(If you speak English can see the version in English of the Camiseta Personalizada.If he will be possible add my blog in your blogroll I thankful, bye friend).

 
 
Anonymous غير معرف Says:

-------
- ايه ياعم البؤس اللي انت فيه
وكمية السواد اللي في عينك
دي بلدنا 100 فل و عشرة
انت بس اللي مش واخد بالك
-------
- والله دنتا اللي طيب يا دبور.
انت مش عارف البلاد التانية اللي كنا بنديها على قفاها بقت فين , واحنا بقينا فين.
انت ماتعرفش ان جميع المصريين العاملين في الخارج مش عايزين يرجعوا مصر
انت ماتعرفش قد ايه مصر انهارت؟
على كل حال أرى أن الأمل في رب العالمين وفرجه قريب
مدونتك مميزة
ولك التحية
مصري أصلي

 

Leave a Reply