هل.....؟
هل يموت الانسان و تبقي مشاعرة حيه بيننا
ام يموت الاثنان معاً ام تموت المشاعر و صاحبها حياً يرزق
لا أدري
ما تعريف السعاده من وجهه نظرك؟
هل هي الصحه، المال ، الزوجه الصالحه ولا الابناء
هل هي احداهم ام خليط من كل هذا ام شئ اخر
لا أدري
هل معني الوحدة ان تكون بعيداُ وحيداً عن اصدقائك ومعارفك
ام ان تكون بينهم وتشعر انك وحيد وغريب ام الاثنان معا
لا أدري
الف هل وهل تتدافع في راسي بحثا عن اجابات فطرحت جزءاً منها لعلي اخفف من ذلك الضغط الرهيب في راسي
ياااه بقالى كتير مجتش هنا و لا انت جيت
مش تبقى تيجى
الاسئلة دى فى دماغى على طوول
ايه معنى السعادة و امتى اكون سعيدة ؟؟
معرفش يمكن الرضى بكل حاجة , يمكن كلمة طيبة او دعوة من القلب
الوحدة بقى لما تكون من غير صحاب و لما تكون بين الك و صحابك و حاسس ان محدش فهمك فيهم و لا حاسس بيك
بس النوع التانى اسوء بكتير
تحياتى يا دوك و بليز بليز الرحمة الواحد مبيعرفش يقرا البوستات لازم يهوفر عليها
ليه العذاب دا ؟؟؟
دكتور اسامه
تسمحلى اقولك
انا كمان
لا ادرى
تقريبا هو فى تشابه غريب بنا ،،، لأنى كنت كتبت موضوع تحت اسم فضفضه بنفس المعنى
بدور على معانى السعادة الى مش عارفاها
بدور على احساس جوايا يمكن مش لاقياه
الكل قال الرضا هو السعادة
بس بردو مش عارفه او مش حسه بوجود شئ
الوحدة
دايما انا شايفه انى عايشه فى وحدة
رغم انى متأكده ان فى ناس كتير حوليا
بس بردو فى وحدة تفكير يمكن
وحدة احساس مش عارفه؟
وحدة قلب!!! جايز
كل دى وحدة ،، والوحدة الصعبه هى انك تكون عايش ما بين اعز الناس عليك
ومش مستوعبينك ،، او مش فاهمينك
اما على اول نقطه ...ممكن يروح الانسان من وسطنا ويفضل حبه اكيد
وده بذكرياته
وانا حسيت بده لما جدتى توفت
انا كنت مرتبطه قوى بيها ...تعرف لما توفت انا عشت فتره مع ذكرياتها حسيت بحبها
يمكن انا خفت شويه من عندى لكن امى مازالت عايشه فيها ومعاها
ياريت تحس بكلامى
:)
...............
مش عايزة اطول عليك
بس هو انت لسه لافت نظرك انى من بورسعيد!
اة انا كنت عارفه انك كنت بتشتغل هنا
بس احنا مفيش فرق بنا
ولا ايه يا اسمعلاوى؟
وعلشان كده
انت فاتك كتير قوى قوى
فى لقاء للمدونين فى بورسعيد قريب جدا
هتيجى ولا ايه نظامك؟
سعيدة برجوعك يا اسامه
تحياتى وسلاماتى
بيتهيألي ان السعاده ان الواحد يكون راضي...الرضا هنا يعني ان اللي انت تكون مبسوط ومرتاح باللي انت محققه بس متقدرش تحصره في حاجة او اتنين خالص
تحياتي ليك
وحمد الله ع السلامة
محمد سمير
فضفض ولا يهمك
هل معني الوحدة ان تكون بعيداُ وحيداً عن اصدقائك ومعارفك
ام ان تكون بينهم وتشعر انك وحيد وغريب ام الاثنان معا
انت قولتها بنفسك ممكن تكون قاعد مع عيلتك وبتتفرج على التى فى معاهم لكن جواك حاسس انك فى عالم تانى مش لاقى نفسك
حاسس انك سراب
لكن دى بتبقى لحظات وقتية والواقع انك فعلا معاهم...ولو حصلك اى حاجة لا قدر الله هتلاقيهم حواليك ومش هيسيبوك
لا قدر الله
وممكن تكون الوحدة بسبب عدم وجود شريك لحياتك يعنى الحب..وممكن تكون موجودة لكن ملهاش وجود يأثر فيك
بص هيا عملية مكلكعة..انا بقى لما بلاقى اسئلة كتير بتجيلى زى دى بفتكر حاجة واحدة بس هيا ان ربنا سبحانه وتعالى كاتبلى الحياه دى وانى احسن من ناس كتير اوى الحمد لله وعشان اقنع نفسى افتح صفحة الانترنت وابص على الناس العيانين او صفحة الحوادث ..ابص الاقى نفسى فى نعمة كبيرة اوى ..وساعتها اقول ان الاسئلة مجرد فراغ وملل
آسفة على الاطاله
سلام
الف حمد الله علي السلامه يا استاذ دبور
الحمد لله علي عودتك بعد الانقطاع او الراحه التدوينيه الاخيره
الاسئله دي بصراحه محتاجه وقت للتفكير
انشاء الله افكر و اجاوب عليها
تحياتي لعقلك المتحفز
اولا حمد الله على سلامتك
ثانيا اسئلتك دى بتدور فى دماغنا كلنا بس برده مش نلا قلها اجابه
لان ممكن الوقتى اقول ان السعاده مثلا انى انجح وبعد فتره اقول لا ان اتزوج وبعد شويه اقول ان يكون عندى اطفال وبعدها انى اعمل مستقبل مادى حلو
فالاسئله دى صعبه وقدريه ماشيه مع نصيبك اللى اتكتبلك
اجمل حاجه انك ما تفكرش فى الحاجات دى اجمل سعاده فى الدنيا ارضاء الضمير
السعاده والوحده والعباده والصحه والاهل ..... الخ كل دى حاجات شاغله الجميع لابد الهروب منها
بوست رائع بس مؤلم شويه
على فكره انا مش بقولك اهرب من مشاكل بس راضى ضميرك قدام ربنا يعنى اعمل اللى عليك
مساء الانوار يا دبور .
انا اول مرة ادخل عندك بس واضح اني دخلت عش دبور مش دبور زي اي دبور ده دبور بيطلع عسل انت ليك حد من النحل يقربلك :)
باشا الكلام اللي انت قايلة ده عايزة مش تعليق ده عايز مدونات ، على العموم انا بحاول ارد على سؤال واحد فيهم عندي في المدونة .
بوست جميل وحتى ديزاين المدونة بيدل على ذوق صاحبها ، تسلم ايدك
حمد لله علي السلامه يا أسامه أولا
أسئلتك يا أسامه محيره
محيره فعلا
ولن تجد لها إجابات شافيه
أسئلتك بتدور في أذهان الكثير منا
الوحده = لا أحد يشعر بك
السعاده = شئ بعيد المنال مادام في النفس البشريه بذور للطمع
سلامي ليك
و الله كل سؤال يا باشا من دول عاوزله بوست لوحده
أنا شايف أن السعاده عاده بتكون نسبيه لان كل واحد له ما يسعده و يحقق له الرضا النسبي لانه مستحيل يكون فيه سعاده أو رضا مطلق
يعني مثلا أنا شايف أن السعاده في الفلوس الكتيير و الاستقرار في العمل...غيري ممكن يكون شايفها في زوجه صالحه و بيت سعيد..أنا مثلا مش حتجوز من أساسه
:)
و هكذا الحياه يا عم أسامه
سيبك أنت...ايه رأيك في الاهلي؟
:)
تحياتي لك
كلنا لم نعد ندري
اي شئ
!!!
تحياتي اخي
انا بقى عايزا افهم انت تاعب نفسك ليه
ساعات الواحد بيحس انه سعيد لما يبقى راضى وساعات لما يبقى عنده صحه وساعات لما يكون عنده مال
وساعات يحس بالوحده بعيد عن اهله واصحابه وساعات وهو بينهم
وبعدين انت توجع الماغ ياعم دبور
دانت تصدع اكتر من الدبور اللى زن على خراب عشه
بقولك ايه
باى عشان انا نازله المحكمه على الصبح موش فاضيه جايالك تانى
قال سعيد ووحيد قال
تحياتىىىى
إنت رجعت بالسلامة وألا لسة؟
المهم
إنت بنفسك جاوبت على نفسك .. كل الإحتمالات ممكنة وقائمة .. وكل حالة وليها ظروفها الخاصة
مافيش قواعد عامة تمشي على الكل في الموضوع ده
السلام عليكم
أنا مهندس حاسبات مغترب في السعودية وجديد في كار المدونات بس اسم المدونة جذبني والموضوع كمان ظريف الحقيقة وعجبني كلام sendrlla جدا
ورأيي أن السعادة دي موضوع نسبي زي نظرية أينشتاين, مثلا فيه ناس تدوق الطرشي والمخلل وتقول دا عسل وناس تحب اللحمة هبر هبر مش مهم الباقي وناس نباتية وناس رياضية فالموضوع من خلال خبرتي المتواضعة مرتبط بالثقافة مثلا ثقافتنا العربسلامية تتكلم عن الرضا وعلاقة الإنسان بربه والضمير واذا رحت الهند وشفت الهندوس وقربت منهم تعرف ان عندهم مفاهيم أو ثقافة مختلفة تماما فمثلا هما ماعندهمش آخره ولا إفعل ولا تفعل مثل المسلمين وعلى هذا الأساس تنبني حياتهم وسعادتهم محددة سلفا عن طريق الأبراج والنجوم طبعا مش القرع بتاع الجرايد وللا الهجص بتاع المجلات ولكن عندهم علم واسع وبحر لجي .. واذا رحت الشرق الأقصي تلاقي اليابان برضه ثقافة تانية وتعريف آخر روح أمريكا بيعبدوا المال ويتذوقوا السعادة التي نجدها نحن بطعم الصبار المخلل ولكنها سعادتهم وعفوا على الإطالة وسلامتكم إيهاب
hamidihab@yahoo.co.in
Oi, achei teu blog pelo google tá bem interessante gostei desse post. Quando der dá uma passada pelo meu blog, é sobre camisetas personalizadas, mostra passo a passo como criar uma camiseta personalizada bem maneira. Se você quiser linkar meu blog no seu eu ficaria agradecido, até mais e sucesso. (If you speak English can see the version in English of the Camiseta Personalizada. If he will be possible add my blog in your blogroll I thankful, bye friend).
انا سعيد بإكتشافى هذه المدونة الجميلة
اما بالنسبة للسعادة فما تدورش على السعادة هى ايه كتير .. عشان الفلاسفه ما عرفوش
ريح نفسك
ماعلينا
-------
يمكن انت مش قدرتي تحددي ايه هي السعاده
بس قدرتي تحددي امتي تكون الوحده
وانا متفق معاكي فيها
ومعاكي حق ان الواحد يكون بين ناس بس حاسس انه وحيد ده اسوء شئ
وتحياتي يا دوك
ويعني ايه يهوفر عليها
ـــــــــــــــــــــــــــــــــــ
شيماء الجيزي
------------
اول مرة اعرف ان انت كتبتي موضوع زي ده وعنوانه فضفضه
اعتقد ان السعاده زي ماقلتي وقالت ماعلينا انها في الرضا
واتفق معاكي في كل كلامك عن الاسئله بتاعتي
اما بخصوص انا عرفت بالصدفه و الله لاني غالبا مش بقرا البروفيل الا قليلا جدا وغالبا مابدور علي لينك المدونه وسط البروفايل
المهم انا لو كنت اعرف كنت مش نمت ايام من غير عشا و احيانا من غير غدا
يلا الحمد لله ايام و عدت
غمض عينيك
---------
و الله يا ابو سمير انت اتفقت مع اللي قبللك في ان الرضا هو مصدر السعاده و انا اتفق معاك في الكلام
تحياتي لك و الله يسلمك ومنورني علي طول
ـــــــــــــــــــــــــــــــــــ
شلبية
-----
مانا بفضفض اهو زي ما انت شايفه
هو الواحد فعلا علشان يقدر اللي هو فيه من نعمه يبص للي اقل منه ويقول الحمد لله علي الصحه و علي كل النعم اللي انت يارب اديتها ليا
وفعلا ممكن الملل يدجفع الانسان انه يفكر
بالطريقه دي
ومش اطاله و لا حاجه
بس انت قربتي من اللي انا كنت بحسه الفترة اللي فاتت وهو الملل
ذو النون المصري
---------------
الله يسلمك يا بيه
وعموما خد وقتك ياعم وفكر ومخمخ واديني المفيد
ـــــــــــــــــــــــــــــــــــ
سندريللا
--------
هي فعلا مكلكعه بس اهمها الرضا و الحمد وهو ده السعاده و اهم مصادرها
فعلا لازم كل فترة الانسان يعمل وقفه مع النفس و يشوف هو رايح فين وماشي في اي اتجاة
بس انا مش شايف البوست انت ليه قلتي كده ؟
احمد رفعت
--------
اخجلتم تواضعنا ياعم
منورني يابوحميد
ـــــــــــــــــــــــــــــــــــ
ريري
----
الله يسلمك
حلوة اوي المعادلات اللي انت كاتبها دي كذا = كذا
اجابه مختصرة شافيه ووافيه
مايكل
-----
سيبك من اللي انت قلته ده كله
انت مش هتتجوز ليه ياعم ؟ طمني عسي ان يكون المانع خير
؟!!!
بصراحه مانت عارف ان انا مش اهلاوي حتي ياراجل حاطط في المدونه بتاعتي اللوجو بتاع النادي الاسماعيلي وتيجي تسألني علي الاهلي
ده كلام يا مايكل
ـــــــــــــــــــــــــــــــــــ
صاحب البوابه
------------
فعلا محدش عارف حاجه خالص
كله بيضحك علي كله
شجرة الدر
----------
بالراحه عليا انت داخله فيا شمال ليه ها؟
اني اطالب بتوقيع اقصي العقوبه عليكي وماتراة هيئه المحمكه مناسبا
مش هما بيقولوا كده برضو و لا ايه؟
ـــــــــــــــــــــــــــــــــــ
يامراكبي
-------
الحمد لله رجعت بالسلامه
و الله كلامك رجع يحيرني تاني بعد ماتقريبا قدرت اوصل لاجابه
ـــــــــــــــــــــــــــــــــــ
ايهاب
-----
فعلا يا باشمهندس ان الثقافه العربسلاميه تحدد السعاده علي اساس الرضا وعلاقه العبد بربه
و السعاده برضو زي ماقلت شئ نسبي و ليس مطلق و لايخضع لمعيار
ومفيش اطاله و لا حاجه انا سعيد جدا بتعليقك الجميل و التحليلي
ومنور المدونه
rodrigo
-------
ok parkeh
ـــــــــــــــــــــــــــــــــــ
ياسر سليم
---------
مش يمكن ياخي ربنا يوضع سرة فيا واعرف ايه هي و ابقي فليسوف
احتمال برضو
===================================
تحياتي لكم جميعا
الدبور
===================================
الافكار الي جت علي بالي دلوقتي
افكار و كلام غير مرتب
الاحساس حقيقي مش عارفه اوصفة
افكار كتيرة
تحس ان الواحد تايه
و مش عارف يكتب شيء محدد
:(
تقديري لحضرتك
اولاً ازيك يا صاحبى عامل ايه يا كبير
ثانياًُ :- المشاعر لا تموت بموت الافراد
ثالثاً :- السعاده بالنسبه ليا القناعه بس مين يوصلها
رابعاً :- انا معاك ان الوحده بتبقى صعبه اوى اوى بين الاهل والصحاب بتبقى شعور مميت
خامساً ابقى افتكرنا يا عم الدكتور مش كده يعنى
تحياتى
هههههههههههه...أنت يا باشا سبت كلامي كله و ركزت علي هذه النقطه زي كل اللي علقوا عندي قبل كده علي تاج كنت عامله و جت فيه سيره الجواز
:)
يا جدعان أنا مش جمال مبارك اللي كان جوازه ضروري
:)
المهم يا باشا الموضوع مفيهوش أي موانع طبيه اطلاقا...الحكايه كلها أنه موقف مقتنع به بشده لاني شايف سعادتي حتكون في كده بعكس لو اتجوزت...ده مع احترامي للمرأه طبعا
:)
أما موضوع الاهلي فأنا عارف طبعا أنك اسمعلاوي صميم بس حبيت أغيظك شويه عشان عارف أد ايه الاسماعلاويه بيعشقوا كلمه أهلي
:)
تحياتي لك
ياخبر كاروهات عريض نص كم عشان الحر
اقصى العقوبه عليا انا
مابلاش باعبعال
رفعت الجلسه واللى ليه شوق فى حاجه يطلعلى بره المحكمه وانا اوريله شغله
تحياتى
ملكه من حوراى مصر
حمدا لله على سلامتك
والقادم اجمل
-----------
طيب اكتبي حتي فكرة من اللي جم علي بالك
ساعات الواحد بيحصل ليه الموقف ده كتير
تدافع الافكار علي بال الواحد يمنع خروجها
ـــــــــــــــــــــــــــــــــــ
why me
-------
يااااه ايلاري فينك ياراجل مختفي ليه بقالك فترة واحشني يابني
ومش انا اللي مطنش انت اللي مطنش ياعم
ـــــــــــــــــــــــــــــــــــ
مايكل
-----
لاتعليق
بس الدراويش غيرة مفيش
ـــــــــــــــــــــــــــــــــــ
شجرة الدر
----------
انا طالع برة المحكمه ليكي
ولما اشوف بقي هتعملي ايه ؟
ـــــــــــــــــــــــــــــــــــ
امرأة تقول الذي لا يقال
----------------------
الله يسلمك ومنورة المدونة
===================================
وتحياتي لكم جميعا
الدبور
===================================
عاوزين بوست جديد يا عم..انشالله يكون عن حسني عبد ربه
:)
تحياتي لك
أسئلتك جامده يا دبور
مستعد للإجابات؟؟
طيب بص:
الموت.. الموت عندي أشمل من مجرد خروج الروح من صاحبها
وخروج الروح منه مش معناه خروجه من مجالنا ..
وكتير يحصل العكس
تفضل روحه فيه لكن مع كده يخرج هو كله على بعضه من مجالنا أساسا
و السعاده؟؟؟
من وجهة نظري.. هي الرضا.. رضاك عن نفسك و عن ربك و عن حياتك فيرضى ربنا عليك و يرضيك فتسعد... يااااه .. هي ده قمة السعادة
و الوحده؟؟
أعتقد.. إن الوحده هي لما يفقد قلبك القدرة على الشعور بالونس
و الونس مش مرتبط بالناس
ممكن تكون وسط كل حبابيبك و فاقد الشعور بالونس
وممكن يملاك أكبر شعور بالونس من قاعده رايقة فبلكونة بيتكوا لوحدك
الوحده من جواك مش من اللي حوليك
أما الضغط.... فهو يا صديقى لعنة... ساعات بحسه عقاب.. جزاء
فهو فراغ يدور بك في فراغ أكبر و يضخمه و يزحمه بفراغ يلهيك عن الحياه و ما فيها و مالك و عليك فيها
منه لله الضغط
تحياتي
ايه الحيرة دى يا عم الدبور
أنا فكرت فى أسئلتك
السعادة مش كل اللى انت قلته ولا خليط منه
السعادة هى القناعة سواء عندك حاجة من اللى قلته أو خليط أو ولا حاجة
و الوحدة انك تكون بين حبايبك و حاسس انك غريب عنهم
و كمان أعتقد ان كل حاجة بيجى عليها وقت و تموت
هنودة
-----
جبتي من الاخر و فسرتي كل كلمه من البوست
هااايل و الله ياهنودة
هو انت ضغطك عالي ؟!
علشان كده بتقولي منه لله الضغط
___________________________________
ابوضحي
------
الراجل العائد بعد غياب
حمد لله علي السلامه يا ريس وفين الغيبه دي كلها
وفعلا كل حاجه بييجي عليها وقت و بتموت
عجبتني جدا الجمله دي
===================================
تحياتي لكم جميعا
الدبور
===================================
ايه يا بنى انت فين ايه الاختفاء الزايد دا انت لسه بتحل اللغز و بتجاوب على الاسئله بتاعتك
post raw3a
bs men wighet nazary an mahma 7asal 2l masha3er tedi3.mosta7il,we 2l sa3ada fi nazary hiya 2L 7OB