ابو حنجله وماريا
أبو حنجلة فارسٌ مغوار…ومقاتل شرس
وزوجتة امرأة مرابطة ولكنها كبقية النساء وقتذاك، صعبة المراس،قاسية الملامح
وكانت إذا تضايقت راضاها أبا حنجلة بمعلقة شعرية لا تقل عن سبعين بيتا موزونا وبالكاد ترتضي
وابن سعفلة رجلٌ حكيم وصاحب علم وشيخ جليل ولكن زوجته كانت تقلب جيوبه قبل أن تقلب معدته وكانت تأخذ مصروف البيت لتشتري من الثياب أغلاها ومن الدواب أفضلها بالدنانير الذهبية التي كانت تلطشها قبل أن تحنّ عليه بقبلة من خلف ستار وعلي مضض، وكانت لا تتنقل سوى بناقة 8 سلندر بينما كان يخوض هو المعارك ويحرر البلاد والعباد من على جحش صغير متواضع
المرأة كانت ولا زالت سببا لصدامات حضارية…وحسبي أن زوجته هي الأخرى كانت صعبة المراس، تثقل كاهله بالطلبات من لحم وخضار وفاكهه وجواري يقمن بكافة أشغال البيت عنها
وكانت الابتسامة لا تظهر على وجهها سوى في المناسبات والفتوحات الإسلامية اياها
وكانت الابتسامة لا تظهر على وجهها سوى في المناسبات والفتوحات الإسلامية اياها
في المقابل أبا حنجلة تعرّف على (ماريا) في الأندلس بعد فتحها - أي الأندلس طبعا وركز معايا كويس - وماريا كانت ترتضى بوردة حمراء أو شالِ من حرير أو حتى تنتشي لكلمة طيبة وماريا لم تطلب الشعر ولم تتذوقه بل كانت تتذوق فحولة أبا حنجلة وحكمة ابن سعفلة وكل تلك الأسماء التي تحمل أدب الصحراء
استغنى أبا حنجلة عن المعلقات التي كان يراضي فيها زوجته وفتش بساتين الورد في حارات إسبانيا بعد أن فتحها المسلمون عن زهرات حمراء وخضراء وصفراء وبيضاء وعن قيثارة في السوق حتى يكتمل زمان الوصل في الأندلسِ
وصار الحب يترجم أسرع من الأبيات الطويلة والقصائد وأسرع من الحكمة التي يطوِّعها ابن سعفلة، وكان الحبُ متبادلاً متعة لا يمنّ بها أحدهم على الآخر
وكذلك في العصور القديمة…أي قبل الانترنت والنسكافيه والكابتشينو والساتالايت… تنعّم الفرسان بفتوحاتهم مع ماريا واختلط الحابل بالنابل في الهند والسند والقسطنطينية وصارت أدوات الحب أسهل بكثير وصارت كلمات الغزل رشيقة كقوام ماريا
المكسيكيون (أو المكاكسة كما يسميهم صديق لي) يحملون ملامحنا ويصر صديقي على أن أصولهم عربية وأن أبي حنجلة وأبي سعفلة وكل (الأبوات) تركوا أخوة لنا في تلك الديار وأنهم - أي أجدادنا - حسّنوا النسل، ولم أعرف أي نسل على وجه التحديد
أحد الخبثاء قال: ربما سحب (المكاكسة) كل النسل ولم يبق لنا سوى حطام من الجينات نتوارثه على مضض، ولم يبق لنا من تاريخ وفحولة ومعارك وبطولات سوى سيوف صدأت وأسلحة فسدت في مخازنها وعبارات عشق مهترئة وحبات (فياجرا) في الهزيع الأخير من الليل وعروبة لا نتذكرها إلا إذا مررنا من امام (سيخ شاورما) أو سمعنا طشطشة) قلي الفلافل أو شممنا رائحة شواء الكباب و الكفته عند الحاتي…
عروبة وتراث عريق لا يطرق بابنا إلا في حضور راقصة حتى لو كانت مستوردة أو معطوبة
أصاب بصدمة حضارية وصداع فسيولوجي ومغص جيوسياسي كذلك الذي أصاب أبي حنجلة في الاندلس عندمارأيت زعيما عربيا يستعرض حرس الشرف…بشرفي انه استعرض طابور كامل من حرس الشرف، تساءلت بطبيعة الحال: وهل بقي شرف رفيع وحرس للكرامة المهدورة والمغتصبة…؟! أعاد الله أيام الوصل في الأندلس….
تفتكر ممكن تعود ؟
ولا يهمك
بس وصل ايه وبتاع ايه
انسى فى اغنيه بيتهيالى من التراث كنت سمعتها مره بتقول
ودع هواك وانساه وانسانى عمر اللى فات ماهيرجع تانى كان حلم وراح انساه وارتاح
سامع
مهايرجع تاااااااااااانى
انساااااااااااه وارتاح
وعجبى
هههههههه
اقصد تحياتى
قلبت علينا المواجع الاندلسيه الماريا ليه بس يادبوووووور..واه يابوى
ومقدرش اقول اكتر من اللى الست قالته
عاوزنا نرجع زى زماااان قول للزمااان ارجع يازماااان.
قال يعنى الاندلس بس اللى راحت مننا
ياللا شويه وهنروح احنا كمان
بس فين بقى ماتسألنيش:)
الزعيم العربي لا يشعر بأي شرف ولا يعرفه لذلك يستعيض عنه بهذه المظاهر الفارغة
أرق تحياتي
شرف!!!!!!!!!!
بوست رائع
ينعى زمن الرومانسيه والفروسيه
للاسف يا صديقى نحن نعيش فى زمن لا يعترف بقيم الحق والخير والجمال
عزيزى الدبور
مقارنة بين المرأة العربية و المرأه الغربية ببساطتها و قلة طلباتها
و مقارنة بين حالنا اليوم و حالنا من قديم الزمان
حرس شرف!!!ده قصر ديل
جادك الغيث إذا الغيث همى
يا زمان الوصل بالأندلس
لم يكن عهدك إلا حلما
في الكرى أو خلسة المختلسِ
أسلوبك جميل
السلام عليكم ورحمة الله وبركاته
ياريت كم اتمني ان نعود
بس دي حاجه مش بادينا
منهم لله اللي كانوا السبب
لقطة جميلة بجد .. بس أحلى حته فيها هي آخرها
حرس الشرف
ضحكتني بجد .. قال شرف قال .. أحلى من الشرف مافييييش
حميل قوي قوي واهلا برجوعك
تحياتي
هوانا دماغي لسعت أنت كاتب ايه ياعم أكتب بالعاميه إحنا مش فطاحله أوي كده ف الفصحى ده انت عاوزني أقرألك المعلقات قبل ما أقرأ الكلام ده
عموما بوست جميل بس للي يفهمه
خلي الشعب يعيش
رغم الابداع
والاسلوب الرائع المميز
واتفاقي مع صديقك حول المكاسكه العرب
ههههههههه
بقولك يا دكتورنا
مليش دعوه ليا عندك تاج وحترد عليه يعني حتجاوبه كده كده
وسلام
جميله وقويه
ربنا يوفقك
تحياتي القلبيه لك
ياعينى عليك يابو الدبابير يابو جماغ عالية يافنان
أسامة
كده ؟
وبمنتهي الوضوح كده ؟
ولا حتى مقارنة من المداري ؟
ماشي
أشوفك متجوز خواجاية وبتتفرج على روحك وإنت مش قادر تجاري التحضر والتبسّط مع خلق الله
قول يا رب
....
على رأيك
كل الشموخ العربي والحواديت والأساطير ممكن فعلاً إختزاله في إنبهار ماريّا وتحسين النسل وأبيات الشعر اللي تسحر
علشان إحنا لمّا إخترعنا الأستيكة
عملنا فرح
تحياتي
حلوة التدوينة جدا
طيب حيث اننا شغالين مقارنة بين ستات الشرق والست ماريا
مافيش مقارنة مش ح اقول لك بين رجال الشرق والولد جوني او اي غربي سنكوح
خلينا في مقارنة بين رجال الشرق زمان ورجال الشرق هذه الايام
حتى نعرف لماذا انحسر عنا النصر وتراجعت الاحلام واصبح كل شيئ في خبر كان
Very, very good, thank you
have a good day
هههههههههه أمجاد يا عرب أمجاد.. تحياتي ليك يا أسامه
دا انت لسعت كام لسعة يا خرابييي
يا مفتري حتي الجواري اللي الست طلبتهم كانوا عشان يقوموا بشغل البيت؟ يعني مكنوش عشان يبسطوا سيادته؟ وانها كانت منفضاه اول بأول؟ يعني سيادته مكنش بيروح يسهر عند منولى الخواجة ف الخمارة؟
وان الست ماريا رضيت بوردة؟ دا بس ايام الحب الاولي يا دبور بس كنت تشوف لما اتجوزوا وخلفوا كانت بتصحيه الساعة ستة الصبح عشان يغير للواد البامبز بمبدأ تقسيم العمل ودا فرحني جدااااا
طب مفيش ليه مقارنة بين الراجل العربي والخواجة ليه؟
سيبك انت ال...يكسب
بالنسبة للاندلس محدش كان السبب في طرد العرب الا العرب
وانا مش مع البكاء عن الاطلال يعني كنا هنعمل بيها ايه؟ كنا عملنا ايه اصلا بباقي الدنيا
أبا حنجلة ده
اكيد يقرب لطهقان
حلوه الناقة ال4 سيلندر
انا بصراحه بتوجع من حكاية الرومانسيه دي
اولا ليس معني ان يبحث شخص عن الحب او الارتباط الذي يسبقه حب ان زلك رومانسيه حالمه لا مكان لها او هي امر غير طبيعي
بل يجب ان يكون ذلك هو الطبيعي
صعب جدا علي اي شاب اليوم ان يتزوج عن حب حقيقي او علاقه عاطفيه لستمرت طويلا
فتجد ان العلاقات الزواجيه الان لا تستمر طويلا لان حراس الشوارع و حراس الفضيله مبيرحمش اي لفته او اي وقفه بين اي بنت وولد من التعليقات
رغم انهم لا اصحاب فضيله او غيره
لكن نعمل ايه
ده مجتمعنا و هو المريض و لن يبرا من علله و امراضه الا اذا.....................؟
الا اذا .............................؟
الا اذا .........؟
الا اذا .........مش عارف
تحياتي و كل عام و انت طيب
ايه يا عم الدبور
اخبارك ايه؟
واخبار بورسعيد ايه؟ انت رحت فين بالظبط؟
وايه الهرطقات انت شيوعي ياد ولا ايه؟
ولا تكونش فيلسوف واحنا مش واخدين بالنا
علي العموم تحياتي
د. خالد عزب
هرتله في السليم يا دكتور دبور
ممكن نبقي نحلل الدي ان ايه للناس دي نشوف يمكن تطلع مشكلتنا وراثيه و نبطل نفكر في حل
تحياتي
ايه يا عم اسامة اخبارك ايه؟
انت جايب
DD of polyuria
ده كله منين؟
وبعدين ايه ده كله حرام عليك
لو كل حاجة فتحانها علي البحري كده يبقي احنا عايزين مخ مليون جيجا
هما السكر والفشل الكلوي المزمن ودمتم
ولا انت رأيك ايه؟
ههههههههههههههههههه
ههههههههههههههههههه
مش عارف اقولك ايه والله
حرس شرف
بيحرسوا الشرف ليهرب منهم
ههههههههههههههههههه
sharm
-----
والله ربنا قادر علي كل شئ
ـــــــــــــــــــــــــــــــــــ
شجرة الدر
---------
اشرب علشان تنسي !!!
بس مين اللي غني الاغنيه دي ؟
ـــــــــــــــــــــــــــــــــــ
sorsara
-------
علي رايك هو مش بس الاندلس اللي راحت منا ماكل حاجه راحت او هتروح ان شاء الله
اذا لم يرحمنا ربنا برحمته الواسعه و ينزل علينا من فضله
ـــــــــــــــــــــــــــــــــــ
ابن بهيه
-------
فعلا كلامك صح 100% وهو يعرف الشرف منين
محمد عبد الغفار
---------------
احلي من الشرف مافيش !
ــــــــــــــــــــــــــــــــــ
شيكو
-----
فعلا رحم الله زمن الفروسيه و الرومانسيه و الن نحن في زمن الحقائق المجرده
ــــــــــــــــــــــــــــــــــ
أبو ضحي
-------
حرس شرف!!!ده قصر ديل
تصدق فعلا ده قصر يل !
جبت من الاخر يا ابو ضحي
ـــــــــــــــــــــــــــــــــــ
محمد قرنه
----------
متشكرين يا بيه
ومنور
خمسه فضفضه
---------
مش بس كفايه منهم لله و ده كمان حسبي الله ونعم الوكيل فيهم
ـــــــــــــــــــــــــــــــــــ
يامراكبي
-------
فعلا شرف مين و احلي من الشرف مافيش
و ضاع شرفنا يابيه ولم يعد باقي الا الفتات
ـــــــــــــــــــــــــــــــــــ
ibn nasser- ابن ناصر
----------------------
شكرا ياباشا و اهلا بيك عندي
ـــــــــــــــــــــــــــــــــــ
shermen
--------
و الله مش فصحي و لا حاجهدي عاميه مع شويه فصحي صغيرين
فعلا خلي الشعب يعيش
مجهول
-----
بس كده من عنيا هجاوب اتاج بس اديني وقت في ناس ليها عندي تاجات من شهر او اكتر
ـــــــــــــــــــــــــــــــــــ
مهندس زراعي
-----------
جميله وقويه و كلها حنيه
التدوينه طبعا
ـــــــــــــــــــــــــــــــــــ
الارموطي
-------
ربنا يخليك ياعم ارمط
amira
-----
ايه كل ده يا اميرة
عاوزاني اتجوز
يا سلام ربنا يسمع منك يارب
و ياريتنا اخترعنا استيكه انزلي اي مكتبه و اشتري استيكه هتلاقيها صنع في الصين
ــــــــــــــــــــــــــــــــــ
bella
------
ده تحيز لبني النساء بقي !!!
ـــــــــــــــــــــــــــــــــــ
david santos
-------------
متشكرين يابا
بس قولي انت فهمت ايه من اللي انا كاتبه ؟
اقطعه من لغلغوه اذا كنت فاهم حاجه
ـــــــــــــــــــــــــــــــــــ
Reri
----
مش امجاد دي كانت ماركه لانشون و لا انا غلطان
ـــــــــــــــــــــــــــــــــــ
zenzana
-------
شوف التحيز عاوزاني اقارن بين الرجاله في الشرق و امثالهم في الغرب
طبعا مش ممكن ابدا اصل انا متجيز لبني جنسي
بتصحيه الساعة ستة الصبح عشان يغير للواد البامبز بمبدأ تقسيم العمل ودا فرحني جدااااا
شوف الافتراء ياخي !!
احنا مظلومين يا معشر الرجال
bastokka طهقانة
---------------
انت مضطهده طهقان ليه بس
الرحمه حلوة حلوة برضو
اشتري ليكي ناقه 8 سلندر 4 باي 4
ـــــــــــــــــــــــــــــــــــ
ذو النون المصري
--------------
الا اذا ايه ؟ قولي ربنا يكرمك
ـــــــــــــــــــــــــــــــــــ
daktara
-------
ازيك يا واد يا طالب
انت عامل ايه و بتذاكر و لا لأ؟
شد حيلك لسه التقيل جاي ورا
و بعدين ايه الكلام الكبير اللي انت بتقوله ده
انت عرف معناه و لا عامل ليه كوبي بيست وخلاص
وبورسعيد زي الفل و بتسلم عليك
ـــــــــــــــــــــــــــــــــــ
عبد الله
------
يعني انا كويس يا عبدو ؟ استمر و لا اقف عند كده
ـــــــــــــــــــــــــــــــــــ
شادي فايد
---------
حلق يا جدع الشرف بيهرب
حلق حوش !
===================================
وتحياتي لكم جميعا
الدبور
اهو احنا كده يا دبور دايما نبكى على اللبن المسكوب ونقعد نقول زمااااااااان
بس قولى انتى جاية اشتغلى ايه؟
رباب