المدونه مغلقه لفترة
المدونة مغلقه الي مدي لا يعلمه الا الله
ومتوقف عن التدوين
و اترك العنان لخيالكم لتتوقعوا ماهي الاسباب
تحياتي لكم جميعا
ومتوقف عن التدوين
و اترك العنان لخيالكم لتتوقعوا ماهي الاسباب
تحياتي لكم جميعا
ومتوقف عن التدوين
و اترك العنان لخيالكم لتتوقعوا ماهي الاسباب
تحياتي لكم جميعا
يعم الحج هو انت لحقت تبدأ عشان تتوقف ، انا يدوب بدات افوق ورجعت اتابع الاقيك فلسعت ينفع كده يعنى
اتمنى ان يكون عودك احمد قريب بإذن الله ، وان يكون المانع خير من غير توقع
إيه ياعم اللي حصل
هي شوطه وبتاخدنا بالدور ولا إيه
علي العموم أتمني السبب يكون خير
وأتمني ترجع بسرعة
عشان إنت كده كده هترجع
تحياتي
ايه ده يا ابنى مبتردش على تعليقات البوست اللى فات ومحضرتش حفلة الساقية ودلوقتى هتقفل المدونة فى ايه هوا الاجتماع اللى فات حد قر علينا ولا ايه
على العموم ربنا يسهل وترجع تانى للتدوين علشان انت هتوحشنا جدا ماشى يا اسمعيلاوى
مينفش كده
كون ان في ناس مش موافقة على رأيك مش معناه انك تتوق
الفكرة من التدوين ان انت والكمبيوتر بس تكتب اللي انت عايزه واللي مش عاجبه يقول براحته برضه لكن انت متقفش.
هذه أول مرة أعلق فيها على غلق مدونة
ولااتفق معك على الانسحاب بعد أن عبرت عن رايك في اللقاء الذي تم بين المدونين ولم يعجب البعض رايك.
كونك عبرت عن رأيك فهذا مطلوب
وون البعض لم يعجبه رايك فهذا مشروع
لكن ان تنسحب احتجاجاً فهذا خطأ في حق نفسك وفي حق وجهة نظرك
لااتفق معك على غلق المدونة والابتعاد
ليه بس كده يا دبور
ازاي دبور يتنازل عن حقه في الحياة و يقفل عش الدبابير
علي العموم مش حلو يعني ان نقعد كل واحد يتوقع انت مالكش نفس ليه عاوز تقول ماليش اكتب الي جواك وخلاص اسهل بكتير
علي العموم من طريقه كلامك كده واضح انك مصدوم من واقع عالم كنت متوقع انه افضل من كده
سيبك من الاوهام و اتمني انك ترجع قريب اوعي تتنازل ابدا عن مكان حفرت فيه اسمك
تحياتي
دبور
هو طبعا الحزن اللي سببتهولي من الكلمتي اللي قولتهم في البوست مستحيل يكون وسيلة للضغط بأي حال من الأحوال و ده مشكلتي أنا و أنا عارف
لكن أنا توقعت منك الموقف ده و اللسبب اللي سبتهولنا نتوقعه أنا متوقعاه.. وآسفة جدا لو قلتلك إن ده مش سبب
ده مدونتك
حقك تقفلها أو تفتحها
وبكل إستحياء و خوف من التعدّي على الحقوق
بدّي نفسي تصريح إني أعترض بشده و عشم و بجاحة
مش عارفة.. أنا حاسة بحزن بجد وأكيد مش لوحدي
شكرا يا اسامة لو قوفك جنبى فى محنتى
بجد اشكرك ويا ريت ترجع
تحية من قلب مجروح
اولا وقبل كل شئ انا في غااااااااية السعادة انك طلعت اسمعلاوي زي حلاتي
يعني الدراويش والرجالة واحلي عصير منجوا اصفر
ثانيا مدونتك جميلة واتمني سرعة عودتك للتعرف عليك
هو انت لحقت تمشي عشان تتوقف
اعقل يا اسامه و ارجع المدونه
لو امتحانات حقك لو حاله نفسيه احنا نروح نموت نفسنا بقا
تحياتشي
أنا أولاً زعلان انك مردتش على التعليقات ثانياً انت مجتش حفلة الساقية ثالثاً توقفت عن التدوين؟
انا من ساعة ما عرفتك وانت عمال تزن ومش مريح.. أنا مستني رجوعك مطولش
أقدر اخمن انك توقفت عن التدوين بسبب ان الزمالك خرج من كأس رابطة الأبطال
;)
أشوفك قريب
سلام
الجملة الى انت كاتبها
اترك العنان لخيالكم لتتوقعوا ماهي الاسباب
معنى كده انك متأكد اننا هنتوقع انك زعلان عشان الاراء الى اتكتبت بعد نقدك للاجتماع,,مع ان ناس كتير قالتلك انك لما تنتقد شئ مفيهاش حاجة طالما انك مجرحتش فى حد ,,ةبعدين احنا عمرنا ما هنلاقى كل الناس موافقانا 100% لازم نلاقى ناس تختلف معانا
c'est la vie
كلامك كان عاجبنى فى المدونة وخدت عند فكرة انك شجاع فى التعبير عن رأيك والانتقاد,,
لو سبب غلق المودنة شخصى يبقى اتمنالك كل الخير فى حياتك وانك ترجع بسرعة
شوف يا سمسم
القرار قرارك
وانتا اخترته
بس انا ليا ملاحظة
لو المشكلة في تصميم المدونة
عشان المشاكل اللي فيه
فانا مستعد اساعدك على رجوع التصميم زي ما كان
على قد ما اقدر
انا اخوك الصغير صحيح
بس بفهم برضه :)
وربنا يكرمك يا رب يا اسامة
اخوك علي :(
يا رب يكون المانع خير
وترجع للتدوين تانى
انت مدونتك حلوة وكونت من خلالها صداقات جميله ياريت متتخلاش عن كل ده
اتمنى أقرأ لك بوست جديد ليك قريب
تحياتى
ارجعععععععععععععععععع
...>دعوه الي كل مصري حقيقي<
سيكون الاستفتاء علي التعديلات الدستوري يوم الاثنين الموافق 26-3-2007 والباب مفتوح من الساعه الساعه السابعه صباحا الي السابعه او السادسه مساء وسيكون الاستفتاء بالبطاقه الشخصيه اذا كان في الشخص سيذهب لدائرته اما اذا كان المواطن يريد ان يذهب للاستفتاء في مكان أخر فهذا يتطلب البطاقه الانتخابيه ..يا جماعه يالا نروح يالا خليهم يسمعوا صوتنا ..المقاطعه معني السلبيه هنروح ونقول لأ كلنا ..هتروح؟
كنت فكرك اقوى من كدا
اريح برضه نرتاح من الزن
هى ايه الحكاية؟؟
يظهر انه وباء و داير فى الجو
لأ يا دبور
عمر ما كان ده الحل
تمشى كده ببساطة
لأ
مش عارفة اقولك ايه
بس بجد ياريت تحسب حساباتك تانى
و اوزن الكفة صح
ببساطة
ياريت ماتستسلمش و تمشى بالسهولة دى
و بس خلاص
بص يا دبور
انت غلطان
انا شايف من بدري ومتابع بس ساكت ماعلقتش بس دلوقتي وانا شايفك بتنسحب من موقف انت فية صح يبقى لا لازم اتكلم
انت شفت سلبيات في اجتماع المدونين وشفت شخصيات مش تمام ومن حقك تنتقد وتهاجم وغلطان انك تشيل البوست اللي قلت في رأيك ومنين من مدونتك ماهياش جريدة الحزب الوطني يعني بيتك وانت حر تكتب اللي يعجبك وتنتقد براحتك وبالاخص انك ماغلطش ولا تعديت الحدود واللي انتقدتهم يستاهلوا اكتر من كدة اللي جاي يعلق بنات واللي جاية تدور على عريس واللي جاي يتريق على خلق الله ويتفرج على عينات المجتمع البلوجري
كلام نوهاز كان صح و فعلا ثبت ان عندها حق ماتروحش وانا برضة نظرتي للخصوصية كان لها اعتبارها وان تجمع عدد كبير من ناس مايعرفوش بعض في الاساس و دعوة عامة بدون اي كونترول شيء خطأ
المهم انت غلطان يا أسامة انك تاخد موقف سلبي
دي مدونتك وانت حر تنتقد براحتك ومحدش يقولك تشيل بوست وتعتذر
يابني رجع البوست وقول للاعور انت اعور في عينك
واللي عايز تهاجمة وتنتقدة وبالأسم اكتب وانقد
your place, your rules
نفسي بقى نبطل ندفن روؤسنا في الرمال
نفسي نواجه نفسنا بعيوبنا و نبص في المراية
اسمع كلام الحصان الاسود وارجع يا سمسم
احنا بانتظارك
ايه يادبور هو ينفع يكون في بلوج من غير الدبور
ماتنجز يا ابنى انت و ارجع تعبت قلبى
http://mn-majhool.blogspot.com/
الافتتاح امتى بقى الفتره طالت وماحدش فاهم حاجه ولو السبب اللى بيتكلموا عنه ده صح يبقى شى غريب اوى اللقاء مش اجبارى ولا هنمتحن فيه كل واحد حر فى تصرفاته وافعاله .....احنا اكبر من كده
فى الانتظار
تحياتى
شركة مكافحة النمل الابيض بمكة
ان النمل الابيض من فئة الصراصير حيث انه يتغذى على الخشب و يلحق العديد من الضرار للخشب و الاقمشة كما انه يصعب التخلص منه لذلك عليك التواصل مع شركة مكافحة النمل الابيض بمكة تستخدم افضل السموم و المبيدات للتخلص من النمل الابيض بشكل نهائى كما انه لا يقتصر على التخلص من النمل الابيض بل العديد من الحشرات فهى شركة مكافحة حشرات بمكة
مكافحة حشرات بمكة
http://www.elbshayr.com/3/Pest-control