الخليفة
من المآسي مايمتد في بطون التاريخ عدة مئات من السنين .. لكن اخطر مأساة في التاريخ هي إن كل خليفة هو مصدر الحكم وينبوع المعرفه ونموذج الكمال ويظل كذلك حتي يموت... فإذا مات فهو منبع الجهل ومصدر الظلم والنموذج الأكبر للفساد والإستبداد . مأساة حقيقية ولكن سببها الخليفة نفسها إن نمط الحكم العربي يجعل من الخليفة أو الوالي او السلطان المللك المعصوم فلا يسمح بأحد بإنتقادة وهي حي يرزق.مسموح للجميع بأن يبالغوا في مدحه وفي حصر مآثرة وفي تسليط الضوء علي مواهبة والأعتراف بعبقريته وتدور الأسطوانة علي هذا الوجه مادام الخليفة حيا فإذا مات الخليفة قلبوا الأسطوانة علي الوجه الآخر وهو دائما عكس الوجه الأول والمسافه بينهم لا تقل عن التي بين الأرض و المريخ
هييييييييييييييي...أ،ا أول كومنت
أنا شايف يا سيدي أن ده سببه النظره الابويه الرعويه اللي تعودما أن ننظر للحاكم بها
تحياتي لك
عشان ببساطة فى ناس بتسترزق من الموضوع ده , احنا كشعوب عربية مااكثر المتحزلقين فينا ناس بتعيش غيلان ناس بتعيش خرفان و ناس تلم اللى يقع مش مهم من مين المهم شبع و خلاص
مدح مدح بس نعيش
ومش للخليفة و الله تعالى اتفرج بينا وبين بعض كبنات "ومش كله برضه" طول مافلانة صحبتى الهنا كله ووقت ما تزعل منى مرة واحدة تلاقيها اكتشفت انى ..... وتلعن فى ..... ماعلينا اهالينا ملهمش ذنب
اسمها كومبليمو يا جهلة :))
Regards:
lojain :)
أولا اللحمة الصيني لسة شغالة كويس معايا .. يمكن حاسس بشوية ضيق في عيوني بس ماشي الحال
ثانيا .. قصدك مين بالخليفة ده؟ شكلك كده والله أعلم بتتكلم في السياسة
الموضوع ده من ايام الفراعنه اما كانوا معتبرين الحتكم هو الاله فبموته فيه اله جديد فكانوا يهدموا تماثيل الملك السابق
شفت المهاجر؟؟؟؟؟
ااااااااااه
اقفش ياض
واحد بيتكلم في السياسة
وبيعيب في الذات الملكية
وحاططلك صورة محمد علي باشا الكبير
اقيمو عليه الحد
يابنى اساسا هو شعب مكبوت
الشعب العربى كلوه كدة
الا احنا طبعا
هشتكنا وبشتكنا ياريس
هههههههههههههههههه
احذروا التقليد
عند الحكم
هى زى مبنقولها دلوات
متاخده كوبى وباست لما يجى الحاكم بأمره
بس انت كده زى مبيقولوا
بتتكلم فى السياسه يا باشا
فى ناس كانت بتسترزق (ومازالت) و كمان صاحب السلطه بيحب كده
يمارس دور الاب
والام
والاخت
احم احم
لا
اقصد دور الاب الرحيم
المتراحم
الحبوب
الجينتل
ييييي
انا بلبخ
اة صحيح ...مش اول مره ازور مدونتك
بس اول مره اعلق
اعرفك من كلام صحابى عنك
مدونتك رائعه
تحياتى
اة كمان نسيت
تعالى زور موضوع المدونون يتكلمون
وقولى رأيك
تحياتى
المسافه بين الكلام أثناء حياة الخليفه وبعد مماته مثل المسافه بين الأرض والمريخ ... إنه النفاق ... وضعف النفوس ... إنه الديكتاتور الذي لا يسمح بكلمة لا .... خوف الناس من بطش ديكتاتور ... أملهم أو طمعهم في القرب من بلاط السلطان .. كل ذلك يقلب الحقائق ... ويجعل الفاسد صالح
سلامي ليك
عاتتتتتتتشى جدا
عاتشى محدش يقدر يفتح بقه فى وش الخليفة او الحاكم بوجه عام
ببساطة هياخد تذكرة وان واى لمحافظة ما وراء الشمس
فبيكون نتيجة ده إنه بيفضل ساكت و يطيع و ينافق
و أول ما الراس الكبيرة تقع
يطلع اللى جواه
سؤال
هى الدنيا ضلمة هنا ليييييه؟
انا و بلا فخر اتكعبلت و انا ماشية و قعدت احسس على ما لقيت البوست
مايكل
-----
ابسط ياعم انت اول كومنت
كلامك صحيح يا مايكل
ـــــــــــــــــــــــــــــــــــ
lojain
------
فعلا في ناس واخدها سبوبه واهو اكل عيش وماله لما ابقي ارجوز بس معايا فلوس وانول الرضا
و كومبليمو دي يعني ايه
اصل انا جاهل ؟
ـــــــــــــــــــــــــــــــــــ
يا مراكبي
---------
طيب كويس اول ما تلاقي اعراض اديني خبر
سياسه ايه بس اهوذ بالله
وبعدين مين اللي جاب سيرة الخليفه
ـــــــــــــــــــــــــــــــــــ
ازميرالدا
--------
فعلا من ايام الفراعنه وعاده تاليه الحاكم دي موجوده
لا مش شفت المهاجر
المهاجر مين ؟ اصلي مش واخد بالي
ـــــــــــــــــــــــــــــــــــ
واحد من الناس
-------------
ازيك يا ابوعلي فينك مش بتكتب ليه جديد
محمد علي ومحمد الكحلاوي
ياسيدي مش مهم
ـــــــــــــــــــــــــــــــــــ
الورده السوداء
--------------
مش عارف ليه ايامنا اللي جايه فيها من لون وردتك كتير
دلعني يا ريس
متقال يا جدع
ـــــــــــــــــــــــــــــــــــ
شيماء الجيزي
-----------
ربنا يهدي كل عاصي يا شيماء
وبعدين مين اصحابك اللي قالولك علي المدونه هو انا مشهور اوي كده ؟
ــــــــــــــــــــــــــــــــــ
ريري
----
ديكتا طور
ديكتا فون
وديكسا ميثازون
اخر سطرين دول هلاوس مش تاخد بالك منهم
ـــــــــــــــــــــــــــــــــــ
نادين
-----
علي رايك اللي يقول كلمه مش كويسه هيروح ورا الشمس ب 10 كيلو وممكن يكونوا 20 او 30 حسب اللي قالوا
سؤال
هى الدنيا ضلمة هنا ليييييه؟
انا و بلا فخر اتكعبلت و انا ماشية و قعدت احسس على ما لقيت البوست
يعني ايه مش فاهم ؟
هو عيب من المدونه و لا ايه علشان اصلحه ؟
===================================
تحياتي لكم جميعا
الدبور
من مدحك بما ليس فيك فقد ظلمك
واللة ما عارف مين بيظلم مين
ودمتم
طب ده خليفة
فايده الحكم من أوله لآخره
فايده قوت كل بيت يقول إقطع على مزاجه
القناة اللي اعلامها ضده تروح ورى الشمس
فايده مال البلد المرطرط يهبه لمن يشاء و يغرق من يشاء في الخير
خليفة بقى
ونقدر نبرر لشعبه لهاثه وراه
لكن الرئيس
ايه اللي خلاه خليفة و بأمارة ايه
زماااااااان
كان الخليفه عادل
وأرجع للتاريخ
دلوقتي
الله أعلم
----------------
آخر بوست نزل
عاوز تعلق؟
سى لافى يابو الدبابير
كراكيب عادل
-----------
ماهو ده النفاق يا بيه
ـــــــــــــــــــــــــــــــــــ
هنودة
-----
كده انا وانت هنروح ورا الشمس
انا بقول الخليفه مش الريس
انا عاوز اربي و لادي اللي لسه مش اتجوزت و لا خلفتهم
ـــــــــــــــــــــــــــــــــــ
شيرمين
----
زمان بقي
قول للزمان ارجع يا زمان
ـــــــــــــــــــــــــــــــــــ
الارموطي
-------
فعلا سيد لافي و احمد لافي وكل آل لافي
وسمعني سلام بودعك !
===================================
تحياتي لكم جميعا
الدبور
عادي بيحصل من زماااان وهيحصل
حتى ايام الخلافاء الراشدين كانو بيدعو للخليفه في الجامع
ويصكو العمله بصورته واول مايموت
يدعو عليه
عارف يمكن مساحه القهر الي بيصنعها الحكام للشعوب
مابتلقيش متنفس ليها غير بعد مايموت
لو كانو يقدرو يتكلمو وهو عايش ماكنوش سكتو
تحياتي
Thanks, my friend.
My life is to make to exceed the barrier of the languages against the lie and the evil
النفس البشره واحده على مدار العصور
النفاق الرياء للحكام شئ ليس بجديد
وليس حكرا على جنسيه معينه
در الشعب ان يقوم الحكام وان يدعو له بالهدايه
لا ان ينافقه وينافق عائلته من اجل حفنه من المال او شهرة زائله
ده احنا لسه هنشوف ايام خروبى
بالمناسبه احنا مش بنتكلم فى السياسه احنا بنتكلم فى كيفيه عمل الكوسه بالبشاميل
تحياتى
هههههههههههه
وانتقل من كونه خليفة
الي كونه سيادة الرئيس
هي دي مصر الفرعونية من اول يوم في التاريخ و حتى اليوم
مفيش فايدة
آآآه ، الخليفة ... عين مش الرئيس ، ولا الزعيم ، ولا القائد !!............
ولا الأب .........
أعتقد الفرق وااااضح :)
إزيك يا دوك ؟
محض الروح
--------
لا كلام بعد اللي قلتيه
كلامك صح تماما
ـــــــــــــــــــــــــــــــــــ
david santos
------------
العب بعيد يلا
ـــــــــــــــــــــــــــــــــــ
شيكو
----
انا عاوز طبق مكرونه باللحمه المفرومه
ـــــــــــــــــــــــــــــــــــ
ادم المصري
---------
انا مش ليا في السياسيه يا عم
انا بقول الخليفه
ـــــــــــــــــــــــــــــــــــ
dr.sherbo
---------
هي دي مصر هنعمل ايه فيها ....!!
ـــــــــــــــــــــــــــــــــــ
ابراهيم معايا
-------------
واضح جدا
ازيك ياهيما ؟
===================================
تحياتي لكم جميعا
الدبور